Барлык яңалыклар
Көнүзәк
30 июль , 08:01

Указдагы үзгәрешләрне күз уңында тотыйк

Башкортстан Башлыгы Радий Хәбиров коронавирус таралу куркынычы белән бәйле югары әзерлек режимы турындагы Указга үзгәрешләр кертте.

Указдагы үзгәрешләрне күз уңында тотыйк


Документның яңа редакциясе нигезендә җәмәгать туклануы, театрлар, кинозаллар, мәдәният сарайлары, матурлык, массаж салоннары, солярийлар, физкультура-сәламәтләндерү комплекслары, бассейннар һәм фитнес-клублар, шифаханә-курорт оешмаларына бару, шулай ук студентлар тулай торакларына урнашу, шәһәрара пассажирлар ташу һәм “Орлан” шәһәр яны поездында бару өчен прививка турында белешмә (сертификат) яки ПЦР-тест таләп ителми.

Вакциналану турында белешмә яисә ПЦР-тестның тискәре нәтиҗәсе булу таләбе музейларда һәм төнге клубларда бул­ганда, шулай ук ябык биналарда киңкүләм физкультура һәм спорт чаралары үткәргәндә саклана.

2021 елның 3 августыннан башлап, планлы гос­питальләштерелү вакытында медицина оешмаларына мөрәҗәгать итүчеләргә COVID-19га каршы вакциналану турында белешмә китерергә тәкъдим ителде.

Мәдәният һәм мәгариф оешмаларында үткәрелүче чаралардан тыш, катнашучылар саны 500дән артык булган киңкүләм чаралар, Русия Баш санитария табибының 2021 елның 7 июлендәге 18 санлы карары нигезендә, Баш­кортстанның Баш дәүләт санитария табибы белән килешенгәннән соң үткәреләчәк.

Атап үтелгән карар шулай ук Премьер-лига клублары, Континенталь хоккей лигасы матчлары, профессиональ спорт командалары арасында Русия чемпионат­ларының башка матчлары, шулай ук башка рәсми ярышлар һәм спорт чаралары уздыруга да кагыла.

Автор:Резида Валитова