-16 °С
Болытлы
Гәзиткә язылуVKOKTelegramЯRus
Барлык яңалыклар
Көнүзәк
7 август 2021, 00:15

Газ кертү буенча эшләр тәмамланырга тиеш

Бистәара газүткәргечләр янында урнашкан йортларга бушлай газ кертү буенча бөтен эшләр 2022 ел ахырына кадәр тәмамланырга тиеш. 

Газ кертү буенча эшләр тәмамланырга тиеш
Газ кертү буенча эшләр тәмамланырга тиеш

Бу хакта «Цемикс» заводы хезмәткәрләре һәм республиканың төзелеш тармагы вәкилләре белән очрашуда Русия Президенты Владимир Путин Кызыл Башкирия авылында предприятиенең әйдәп баручы белгече Розалия Булатованың соравына җавап биргәндә белдерде.

"Сүз торба уза торган торак пунктлар турында бара. Әлеге торбадан газ йорт участогына кадәр бушлай кертелергә тиеш. Участок эчендә барлык эшләр милекче исәбенә башкарыла. Әмма биредә дә Хөкүмәт чыгымнарны киметү өчен карар әзерләгән. Бу - йорт биләмәсе эчендә эшне гамәлгә ашыру өчен типовой шартлар, алар бәяләрне тоткарлауны күздә тота. Бу газлаштыруны гамәлгә ашыру өчен шактый зур ярдәм булачак. Федераль оператор итеп "Газпром" сайланган, ләкин бөтен җирдә дә төбәк операторлары билгеләнмәгән. Якын арада бу эшләр башкарылыр дип ышанам",

— диде Владимир Путин.

Башкортстан Башлыгы Радий Хәбиров сүзләренә караганда, республикада төбәк операторы сайланган инде, ул - "Межрегионгаз".

"Без төбәк штабын төзедек. "Межрегионгаз" бу проблема белән шөгыльләнә инде. Без финанслау чыганагын һәм торбаны йорт биләмәләренә кадәр кайда җиткерәчәгебезне аңлыйбыз. Инде барысы да хәл ителде",

- диде Радий Хәбиров.

Аерым алганда, сүз Башкортстанның Әбҗәлил районы торак пунктларына газ кертү турында бара. Булатова сүзләренә караганда, аларның ике меңнән артыгы, мәсәлән, Даут авылында, газсыз кала.

"Монда торба бар, без аларга газ китерәчәкбез",

— дип нәтиҗә ясады Хәбиров.

Фото: abinskcity.ru

 

Автор:Резеда Галикәева
Читайте нас в