-21 °С
Болытлы
Гәзиткә язылуVKOKTelegram
Барлык яңалыклар
Көнүзәк
12 август 2021, 17:20

Утка каршы бөтен республика белән!

Хәйбулла районындагы янгыннарны сүндерүдә хатын-кыз волонтерлар да актив катнаша.

Ут белән кыю көрәшчеләр Илгизә Яикбаева, Гөлсия Килдебаева, Акчәчкә Абдуллина, Нурзилә һәм Ләйсән Байгускаровалар, Рәсимә Солтанова турында «Хайбуллинский вестник» район гәзите язган.

"Янган агачларның шарт-шорт килүе, тере еланнар януы, кошларның йөрәк өзгеч тавышлары, балачактан таныш чияләрнең төпләре белән юк ителүе — барысы да безнең күз алдыбызда, үз көчсезлегебездән йөрәккә кан сава... 20 литрлы су булган ранецлар - тере су кебек, тик, кызганычка каршы, барысын да тиз генә сүндереп булмый. Безнең якларга да яңгырлар килсен иде", - ди кызлар.

Алар күпләр өчен үрнәк булып тора. Волонтер Лилия Айдашева Уфадан Уразбайга янгын сүндерешергә кайткан.

«Социаль челтәрләрдән әтиемнең авылы янында урман януын белдем. Үз эшләремне калдырып, шунда ук бирегә кайттым. Беренче көннәрдә волонтерлар белән бергә янгыннарны сүндердем. Участоклар катлаулы булды, чөнки эссе һава аркасында ут башка зоналарга тиз күченде. Команданың эше мөһим, чөнки хәвефсезлек техникасын да үтәргә, һәрвакыт кешеләр белән янәшә булырга кирәк", - диде Лилия.

Бүген ул кухняда булыша, волонтерлар өчен ризык әзерли.

Хәйбуллалыларга башка районнардан килгән, биредә туганнары яисә якыннары булмаган волонтерлар да ярдәм итә. Әлшәй районыннан Гүзәлия турында район хакимияте башлыгының социаль мәсьәләләр буенча урынбасары Роза Рәсимбәтова сөйләде:

"Күпләргә аның бу гамәле сәер тоелачак. Хәйбулла районындагы янгын турында ишеткәч, ул шунда ук Уфадан Олы Биешкә килгән. Кыз кечкенә буйлы, әмма бик зур йөрәкле. Бишенче көн авыл хатын-кызларына янгын сүндерүчеләргә азык әзерләүдә булыша. Зур рәхмәт сиңа, Гүзәлия. Бәхетле бул! Барыгызга да рәхмәт!»

"Янгыннарны сүндерүне оештыруның беренче көннәреннән башлап, без Бүребай авылында штаб оештырдык, анда азык-төлек һәм кирәк-яраклар җыябыз. Кешеләр бик актив, өй ашлары, камыр ризыклары, яшелчәләр, ит һәм башка бик күп нәрсәләр алып килә. Алар ут белән көрәшнең җитди булуын аңлый. Кешеләр ярдәмчел һәм ярдәмгә чакыру белән килергә әзер. Башта Ивановка, Олы Әбешкә, хәзер биредә — Уразбай авылы янында", - ди Бүребай авылы биләмәсе башлыгы Эльвира Андреева.

Фото: bashinform.ru

Утка каршы бөтен республика белән!
Утка каршы бөтен республика белән!
Автор:Резеда Галикәева
Читайте нас в