+20 °С
Болытлы
Көнүзәк
18 август 2021, 08:45
Башкортстанга 39 градус эсселек килә
"Башгидрометүзәк" МЧС белән берлектә республика халкын аномаль эсселек турында кисәтә.
Башкортстанга 39 градус эсселек килә
Синоптиклар фаразларына караганда, 19-22 августта төбәк территориясендә һава температурасы +39 градуска җитәчәк.
"Эссе һава торышы кеше өчен куркыныч белән яный, кояш һәм эссе сугуга, йөрәк-кан тамырлары авыруларының кискенләшүенә китерергә мөмкин", — дип искә төшерде коткаручылар.
Башкортстан МЧСы 12 сәгатьтән 16 сәгатькә кадәр кояшның турыдан-туры нурлары астында булмаска киңәш итә, чөнки бу вакытта кояш аеруча актив. Шулай ук алкоголь кулланудан баш тартырга, күбрәк су эчәргә, кулдан азык-төлек сатып алмаска, актив спорт белән шөгыльләнмәскә һәм кешеләрне кояшлы урында автомобильдә калдырмаска кирәк.
Фото: башинформ
