-18 °С
Болытлы
Гәзиткә язылуVKOKTikTokINSTAGRAM
Барлык яңалыклар
Көнүзәк
30 август 2021, 18:25

"Сыйфатлы кәрәзле элемтә - ул халыкның иминлеге дә"

30 августта Башкортстан Хөкүмәте Премьер-министры Андрей Назаров уздырган атналык видеоселектор киңәшмәсендә республика территориясендә кәрәзле элемтә челтәрләрен үстерү мәсьәләләре каралды.

"Сыйфатлы кәрәзле элемтә - ул халыкның иминлеге дә"

- Бу җәй безнең республика халкы өчен сыйфатлы кәрәзле элемтә, бу уңайлылык кына түгел, аларның иминлеге дә булуын күрсәтте. Хәзер районнарда янгын куркынычы зур булу сәбәпле, оператив хезмәтләргә, волонтерларга оператив элемтә тоту мөмкинлеге моңарчы булмаганча мөһим, - дип билгеләп үтте Андрей Назаров. - Башкортстан Башлыгы Радий Хәбиров сыйфатлы мобиль интернет белән тәэмин итү мәсьәләсен хәл итүне йөкләде.

Дәүләт идарәсенең санлы үсеш министры Геннадий Разумикин хәбәр иткәнчә, республикада кәрәзле интернетка ихтыяҗ арта.

- Республика буенча гомум картина түбәндәгечә. Халыкның 98 проценты 2G стандартында кәрәзле элемтә сигналы белән тәэмин ителгән торак пунктларда яши. Халыкның 86 проценты 3/4G стандартларында кәрәзле элемтә белән капланган территорияләрдә яши. Калган 2 проценты кәрәзле элемтә хезмәте белән тәэмин ителмәгән, нигездә, ул арзанлы, аз халык яшәүче торак пунктларда, - дип хәбәр итте Геннадий Разумикин.

Ул билгеләп үткәнчә, элемтә операторлары үз акчалары исәбеннән инфраструктураны үстерү буенча даими эш алып баралар, шул исәптән моңарчы элемтә хезмәтләреннән һәм Интернет челтәреннән файдалану мөмкинлеге булмаган урыннарда да. 2020-2021 еллар дәвамында республика территориясендә 2000нән артык база станциясе төзелгән һәм яңартылган.

Башкортстан Башлыгының социаль коммуникацияләр буенча идарәсе башлыгы Елена Прочаковская республикада сыйфатсыз мобиль элемтә яки аның булмавы мәсьәләләре буенча халкыннан килгән мөрәҗәгатьләргә анализ ясады. 30 августка шундый 79 мөрәҗәгатьләр кергән. Билгеләп үтелгәнчә, муниципаль берәмлек хакимиятләре, Дәүләт идарәсенең санлы үсеш министрлыгы, кәрәзле элемтә операторлары белән берлектә республика халкын сыйфатлы кәрәзле элемтә белән тәэмин итү өчен оптималь чишелешләр эзләү бара.

Фото: pravitelstvorb.ru

Автор:Фануз Хабибуллин