Нефть һәм газ сәнәгате көне белән!

"Бүген Башкортостан #ЖЗЛ_рубрикасында бөтен ил өчен төп тармак - нефть һәм газ хезмәткәрләре турында сөйлим", - дигән сүзләрдән башлаган республика Башлыгы Радий Хәбиров социаль челтәрләрдәге язмасын.

"Рушан Хәсәнов 36 елның 18 елын "нефтькә" багышлаган. Шушы вакыт эчендә ул зур уңышларга ирешкән. Рушан ике тапкыр "Роснефть"нең "Һөнәре буенча иң яхшысы" конкурсында "Нефть һәм газ чыгару операторы" номинациясендә җиңүче булды. Хәзер Рушан Хәсәнов Туймазы районында "Башнефть-Добыча"да нефть, газ һәм конденсат чыгару буенча мастер булып эшли.

Анатолий Печенкин бензинны гидрочистарту җайланмасы технологик насосларның 6нчы разрядлы өлкән машинисты булып эшли. Нефтьче стажы - 29 ел. Аның рационализаторлык тәкъдимнәре «Башнефть-Уфанефтехим» заводында яңа җайланмаларны реконструкцияләгәндә һәм төзегәндә гамәлгә ашырылды. Анатолий Печенкин күп кенә яшь белгечләргә һөнәрләрен үзләштерергә һәм анда беренче адымнарын ясарга ярдәм итте.

Ярты гасырдан артык газ сәнәгатендәге Николай Куликовның хезмәт кенәгәсендә бер язу. Хәтта лаеклы ялга чыкканнан соң да пенсионер газ трассасын өстен күрә. Аның иңнәрендә - Урал аръягы районнарын газлаштыру, газ магистральләрендә бихисап күп ремонт эшләре, җитештерү һәм социаль объектлар төзү.

«Газпром трансгаз Уфа»да эшләгән елларда Николай Алексеевич бик яхшы һөнәри алмаш әзерләде, уңышлы яшь җитәкчеләрне үстерде. Әнвәр Хаматгалимов "Газпром трансгаз Уфа" Кырмыскалы идарәсендә электр белән эретеп ябыштыручы булып эшли. Аның казанышлары исәбенә - Башкортстанның иң яхшы эретеп ябыштыручысы исеме керә. Әгәр дә сезгә Уфаның Рихард Зорге урамындагы паркта "Башкортстан газчылары" һәйкәлендә эретеп ябыштыручының елмаюы таныш тоелса, гаҗәпләнмәгез. Нәкъ менә Әнвәр Хәмәтгалимов лаеклы рәвештә бу скульптураның прототибы булды. Нефть һәм газ сәнәгате хезмәткәрләрен һөнәри бәйрәмнәре белән котлыйм!"