-13 °С
Болытлы
Гәзиткә язылуVKOKTelegramЯRus
Барлык яңалыклар
Көнүзәк
16 сентябрь 2021, 10:50

Радий Хәбировның Межгорьега эш сәфәре

15 сентябрьдә Башкортстан Башлыгы Радий Хәбиров Межгорьега эш сәфәре барышында шәһәрнең социаль объектларында булды һәм иҗтимагый киңлекләрне төзекләндерү проектлары белән танышты.

Радий Хәбировның Межгорьега эш сәфәре
Радий Хәбировның Межгорьега эш сәфәре

Көньяк-көнбатыш бистәсендә республика җитәкчесе 2018 елда реконструкциядән соң ачылган спорт комплексын карады.Радий Хәбиров аның мөмкинлекләрен уңай бәяләде, шулай ук яшь футболчыларның күнекмәләрен карады һәм аларга спортта җиңүләр теләде.

Радий Хәбиров шулай ук «Межгорье-Көньяк-көнбатыш» Мәдәният һәм ял үзәгендә булды. Анда ул «Илмәш» халык фольклор коллективы белән аралашты, ул «Байык» республика телевизион конкурсында җиңүче булды. Башлык Мәдәният һәм ял итү үзәге бинасына капиталь ремонт үткәрергә кушты, аны тиздән башлаячаклар, дип сөйләде.

Межгорье халкы Башкортстан Башлыгын ишегалларын һәм балалар мәйданчыкларын төзекләндерүгә игътибар итәргә чакырды. Радий Хәбиров билгеләп үткәнчә, Межгорьеда җыелган проблемаларның барысы да республика Хөкүмәтенең күчмә утырышы көн тәртибенә кертелгән.

Алга таба төбәк җитәкчесе 1991 елда төзелгән чистарту корылмаларын карады. Аларны яңарту – Межгорье торак-коммуналь хуҗалыгының төп бурычларының берсе.

Радий Хәбиров шулай ук Совет урамындагы скверны төзекләндерү барышы белән танышты, ул "Уңайлы шәһәр мохитен формалаштыру" федераль программасы кысаларында тормышка ашырыла.

Межгорьеда төзекләндерү таләп итүче тагын бер объект - "Төзүче" шәһәр стадионы.Радий Хәбиров стадионны реконструкцияләү планы белән танышты һәм футбол командасы тренерларының берсе белән аралашты. Спорт объектын реконструкцияләү һәм финанслау Башкортстан Хөкүмәтенең күчмә утырышында тикшерелде.

Фото: glavarb.ru

Автор:Фануз Хабибуллин
Читайте нас в