+21 °С
Болытлы
Көнүзәк
17 сентябрь 2021, 10:15
Инвалидлар махсус участокларда тавыш бирә ала
Уфада "Crowne Plaza" кунакханәсе мәйданчыгында "Сайлаулар-2021" иҗтимагый матбугат үзәге эшли. Биредә эш республикада сайлау участокларын ачу белән бергә 08.00 сәгатьтә башланды һәм сайлауларга билгеләнгән өч көндә - 17, 18, 19 сентябрьдә дәвам итәчәк.
Инвалидлар махсус участокларда тавыш бирә ала
Халыкның аз мобильле төркемнәрен тавыш бирүне оештыру турында брифинг узды. Спикерлар: республика Хезмәт һәм хплыкны социаль яклау министрлыгы вәкиле Юльвина Исмәгыйлова һәм Үзәк сайлау комиссиясе вәкиле Елена Лысова.
Министрлык мәгълүматы буенча, ике участок Уфада - медицина колледжы бинасында һәм Кустарная урамындагы инвалидларның иҗат үзәгендә, Бәләбәйдә, Белоретта һәм Стәрлетамакта урнашкан. Монда күрү сәләте буенча һәм терәк-хәрәкәт аппараты бозылган инвалидлар тавыш бирә ала. Шулай ук инвалидның теләге буенча аның өенә сайлау комиссиясе әгъзалары килергә мөмкин.
Уңайлы мохит таләпләре башка участокларда да максималь җайлаштырылган - анда пандуслар яки махсус менү-төшү урыннары урнаштырылган.
Республикада барлыгы 240 мең инвалид бар, шуларның 8 меңе - күрү сәләте буенча.
Фото: Фәнүз Хәбибуллин.
