Төбәктәге төзелешкә - 1 миллиард сум!

Башкортстан Республикасын үстерү корпорациясе потенциаль инвестор - «Атлант» компаниясе һәм әйдәүче Уфа төзелеш оешмалары вәкилләре катнашлыгында онлайн-киңәшмә уздырды. Проект төбәктә "үсүче йортлар" төзү өчен махсус материаллар җитештерүне урнаштыруны күздә тота. Инвестицияләрнең планлаштырылган күләме - якынча 1 миллиард сум.

- Мондый махсуслаштырылган технологияләрне куллану юлы белән биналар төзү Канада һәм Европа өчен күптән сирәк күренеш түгел, - дип аңлатты Башкортстан Республикасының үсеш корпорациясе генеральный директоры Наил Габбасов. - "Атлант" компанияләр төркеме белән мин күптән таныш. Безнең системалы эш төбәктә төзелеш өлкәсе өчен инновацион булырга мөмкин булган шундый эре проектны гамәлгә ашыру рәвешендә нәтиҗәләр бирер дип ышанам.

Киңәшмә барышында «Атлант» компанияләр төркеме вәкилләре кулланыла торган төзелеш технологиясенең мөмкинлекләре һәм өстенлекләре, аның югары техник-икътисади күрсәткечләре турында сөйләде. Мондый очрашуларны Корпорация проектларны барлык этапларда озата бару кысаларында үткәрә. Бу очракта максат базар ихтыяҗын өйрәнү һәм Башкортстан территориясендә мондый предприятиеләр ачу өчен кулланучылар кызыксынуын билгеләү иде.

Моннан тыш, Үсеш корпорациясе инвесторның керамзит җитештерүче белән хезмәттәшлеген җайга салуда ярдәм иткән, аның турында Ярмәкәй районы бизнес-шерифы белән онлайн-очрашу барышында искә алынган иде. Компания вәкилләре эшкуарлар белән бергәләп эшләргә тели.