Тикшерүләр дәвам итә

Межгорье шәһәре хакимияте башлыгы вазыйфаларын вакытлыча башкаручы Вячеслав Калугин шәһәр мәдәният һәм ял учреждениеләрендә булды, антиковид таләпләренең үтәлешен тикшерде.
"Мәдәният учреждениеләрендә нинди дә булса тәртип бозу очраклары ачыкланмады, эпидемиягә каршы таләпләрне үтәү буенча барлык чаралар да тулы күләмдә гамәлгә ашырылды», — дип билгели ул.
2021 елның 4 октябреннән дәүләт һәм муниципаль мәдәният учреждениеләренә, шулай ук киңкүләм физкультура һәм спорт чараларына COVID-19га каршы вакциналау узу турында сертификат яки соңгы 6 ай эчендә коронавирус кичерү турында белешмә булганда гына килергә мөмкин. Шулай ук төнге клубларга (дискотекаларга) карата элек билгеләнгән шундый ук таләп саклана.
Стәрлетамакта шәһәр хакимиятенең кулланучылар базары һәм хезмәт күрсәтү бүлеге киңкүләм мәгълүмат чаралары белән берлектә «Арбат» сәүдә үзәгендә объектларны тикшерде. Сәүдә үзәге хезмәткәрләренә тамгаларны яңарту, термометрлар һәм термометрларны теркәү журналлары булу буенча киңәшләр бирелде, шулай ук бөтен җирдә дә COVID-19 вирусы белән зарарлануны кисәтү чаралары турында гражданнарга хәбәр итү буенча белешмәлекләр эленмәве билгеләнде. Ачыкланган җитешсезлекләрне бетерү өчен вакытлар билгеләнде.
Сатучыларга 12 октябрьдән Башкортстан Башлыгының шәхси милектәге музейларга, кургәзмә залларына, китапханәләргә, театрларга, кинотеатрларга, концерт залларына (комплексларга) барганда COVID-19га каршы вакциналау үтү турында сертификат яки алты ай эчендә коронавирус кичерү турында белешмә тапшырырга кирәклеге турындагы положениеләрнең үз көченә керүе искә төшерелде.
Яңа чикләүләрнең беренче көнендә Салаватта хакимият башлыгы Игорь Миронов яңа таләпләрнең ничек үтәлүен шәхсән үзе тикшерде.
«Бары тик «Агыйдел" мәдәни-ял итү үзәге генә тикшерелде. Гомумән алганда, яңа таләпләрне үтәү буенча кисәтүләр юк, әмма ковид буенча инспектор каршы алган урынны бераз җиһазлауны сорадым», — дип билгеләп үтте Игорь Миронов.
Тикшерү белән шөгыльләнүче мобиль төркемнәр үз эшләрен дәвам итәчәк.