Барлык яңалыклар
Көнүзәк
13 октябрь , 19:23

Хәвефсезлек чаралары үтәләме?

Журналистлар җәмәгать урыннарына юлланды.

Хәвефсезлек чаралары үтәләме?

Сишәмбе көнне, 12 октябрьдә, республикада коронавируска каршы көрәш буенча таләпләр гамәлгә керде. Хәзер сәүдә үзәкләренә, музейларга, китапханәләргә, театрларга, кинога, концерт залларына һәм шәһәрара автобусларда йөрү өчен вакцина ясату яки авырып савыгу турындагы белешмә, сертификат күрсәтергә кирәк. Шәһәр һәм район гәзитләре хәбәрчеләре таләпләрнең ничек үтәлүен үз күзләре белән күрү өчен рейдларга чыкты.

Белоретта тикшерү "8 Март" сәүдә үзәгендә булды. «Белорецкий рабочий» язганча, өч керү юлында администраторлар һәм ковид-инспекторлар торган. Кешеләр "Дәүләт хезмәте" порталыннан сертификат алмаулары яисә авырып савыгулары турында раслап, узарга тырышты, ләкин аларны кертмәделәр. Документлар сатып алучыларның өчтән берендә булган. "Пятёрочка" кибетендә аерым ишек, алар янкормада урнашкан һәм сәүдә үзәгенә катнашы юк, димәк, монда керү ирекле. Тикшерү вакытында сатып алучылар битлекләрдә булган, ә сатучылар әле перчаткаларда да булган.

Мишкә районында журналистлар белән район башлыгы Павел Трапезников чыккан. Мәдәният йорты инспекторы Радик Гыйльмияров югалып калмаган һәм барысыннан да сертификатлар таләп иткән, температураны үлчәп, килүчеләрнең кулларын антисептик белән эшкәрткән. Ә 2нче мәктәптә каравылчы комиссияне битлексез каршы алган, ул тыныч кына икенче катка термометриясез узды. 1нче лицейда да температураны тикшермәгәннәр, дип яза "Дружба" гәзите.

Бакалы районында комиссия әгъзалары сәүдә үзәкләренә килүчеләрнең үткәрү системасына аеруча игътибар итте. Сертификатлар һәм белешмәләр килүчеләрнең яртысында диярлек бар. Шулай да халык мондый чараларга әзер түгел. Бигрәк тә өлкән яшьтәге кешеләр ачулана, - дир яза "Бакалы таңнары".

Автор:Гөлия Мөгаллимова