Радий Хәбиров Кырмыскалыда җир асты байлыкларыннан файдаланучылар эшен тикшерергә кушты

- Кырмыскалы районындагы Зур Толпак күле янындагы эшчәнлекке карата халыктан шикаятьләр күп килә. Минем позиция - мондый объектларга кагылырга ярамый, - дип ассызыклады Радий Хәбиров.

Хөкүмәт вице-премьеры Азат Бадранов Башкортстан Башлыгы кушуы буенча Кырмыскалы районына эш сәфәренең нәтиҗәләре турында хәбәр итте.

- Без Зур Толпак күле янындагы территорияне сәнәгать эшкәртүе мәсьәләсен өйрәндек. Участокны эшкәртүче «Ибраһим» предприятиесе 2015-18 елларда лицензияне рәсмиләштергән. Кырмыскалы районы хакимияте ком-таш катнашмасын чыгару өчен башка участоклар тәкъдим итте, әмма компания әлегә баш тартты. Җир асты байлыкларыннан файдалану мәсьәләләре буенча ведомствоара комиссия муниципалитетка табигый сакланучы статусын Зур Толпак күленә бирү буенча документлар рәсмиләштерергә киңәш итте, - диде Азат Бадранов. - 6 ноябрьдә Сәвәләй авылында халык белән очрашуда катнаштым. Халыкның ачуы бик гадел дип әйтә алам. Күлнең әһәмияте бик зур, бу - традицион ял урыны, район территориясендә иң зур күл.

Республика Башлыгы Җир асты байлыкларыннан файдаланучылар эшчәнлеге мәсьәләләре буенча ведомствоара комиссиягә Кырмыскалы районында тармак компанияләре эшенең законлылыгын анализларга кушты. Тикшерү нәтиҗәләре ике айдан соң каралачак.

Фото: glavarb.ru