Барлык яңалыклар
Көнүзәк
25 ноябрь , 14:35

Юлларда сак булыгыз!

Бүген республикада көчле кар яву сәбәпле, Дәүләт автоинспекциясе водительләргә һава шартлары начарлануын исәпкә алырга һәм, ашыгыч булмаганда, юлга чыгудан тыелырга чакыра.

Юлларда сак булыгыз!

“Кышын автомобиль белән идарә иткәндә бик сак булырга кирәк. Кискен хәрәкәтләрдән тыелырга, интервал һәм дистанция сакларга, тизлекне арттырмаска, һичшиксез, хәвефсезлек каешларын эләктерергә кирәк”, — дип хәбәр иттеләр республика Дәүләт автоинспекциясенең матбугат хезмәтенннән.

ЮХХДИ хезмәткәрләре башкала урамнарында да, федераль һәм республика автоюлларында да көчәйтелгән режимда эшли.Хәвефле очракларда Башкортстан буенча ЮХХДИ идарәсенең дежур частена 235-84-02, 233-27-31 телефоннары буенча яисә Уфа буенча Эчке эшләр бүлегенең дежур частена 237-84-80, 237-02-02 телефоннары буенча шалтыратырга.

Полиция нараядлары беренче чиратта машина йөртүчеләргә ярдәм күрсәтүгә юнәлтелгән.

Фото: "Башинформ" агентлыгы

Автор:Ример Насретдинов