+14 °С
Болытлы
Гәзиткә язылуVKOKTelegram
Барлык яңалыклар
Көнүзәк
28 ноябрь 2021, 11:50

Кышның беренче көнендә яңгыр явачак

Синоптиклар алдагы көннәргә һава торышын фаразлады.

Кышның беренче көнендә яңгыр явачак
Кышның беренче көнендә яңгыр явачак
“Башгидрометүзәк” мәгълүматларына караганда, бүген, 28 ноябрьдә, алмашынучан-болытлы, явым-төшемсез һава торышы көтелә. Көндез республиканың төньяк-көнбатыш районнарында бераз кар явачак. Юлларда бозлавык булачак. Җил көньяктан секундына 4-9 метр, урыны белән 14 метрга кадәр исәчәк.
Һава температурасы көндез -2,-7 градус.

29 ноябрьдә төбәктә урыны белән җепшек кар явачак. Юлларда бозлавык булуы көтелә. Җил көньяктан, көньяк-көнчыгыштан исәчәк.
Һава температурасы төнлә -3, -8 градус, көньяк-көнчыгыш районнарда 13 градуска кадәр суыта. Көндез -0,-5 градус торачак.

Сишәмбе, 30 ноябрьдә, төнлә урыны белән җепшек кар явачак, көндез кайбер районнарда карлы яңгыр явуы көтелә. Республиканың көньяк-көнчыгышында явым-төшемсез. Төнлә җепшек кар явачак, алар электр чымнарына һәм агач ботакларына ябышачак, юлларда бозлавык булачак. Җил көньяктан, көньяк-көнчыгыштан талгын, урыны белән көчле исүе көтелә.

Һава температурасы төнлә -1, -6 градус, көньяк-көнчыгышта 8-13 градус салкын. Көндез +2,-3 градуска кадәр күтәрелә.

Кышның беренче көнендә һава температурасы 2 градуска кадәр җылыта һәм кыска вакытлы яңгырлар явуы көтелә, дип фаразлый синоптиклар.

Фото: don24.ru

 

Автор:Зөлфия Фәтхетдинова
Читайте нас в