+20 °С
Болытлы
Көнүзәк
15 декабрь 2021, 17:36
Русия экспорт үзәге җитәкчесе белән эшлекле очрашу үтте
Республика Башлыгы Радий Хәбиров әлеге очрашуның нәтиҗәле булуын ассызыклады.
15 декабрьдә Республика йортында Башкортстан Башлыгы Радий Хәбиров Халыкара бизнес атнасы чараларында катнашу өчен Уфага килгән Русия экспорт үзәге генеральный директоры Вероника Никишина белән очрашты.
Яклар экспортка ярдәм итү чаралары турында фикер алышты, алар Башкортстанга бу юнәлешне уңышлы үстерергә ярдәм итә, һәм республика тәҗрибәсен Русиянең башка субъектларына тарату перспективалары турында фикер алыштылар. Шул исәптән экспорт аудитын үткәрү методикасы, логистик чыгымнарны субсидияләү һәм халыкара сертификатлау турында сүз бара.
Исегезгә төшерәбез, 10 декабрьдә Мәскәүдә төбәк Башлыгы Радий Хәбиров «Русиядә эшләнгән» Халыкара экспорт форумы кысаларында узган «Экспортны үстерү - территорияне үстерү» стратегик сессиясендә кече экспорт предприятиеләренә ярдәм итү практикасын тәкъдим итте.
- Халыкара бизнес атнасында катнашуыгыз өчен сезгә рәхмәтлебез. Республика өчен бу, беренче чиратта, елга нәтиҗә ясау. Пандемия белән бәйле барлык авырлыкларга да карамастан, елны яхшы күрсәткечләр белән тәмамлыйбыз, шул исәптән, тышкы сәүдә эшчәнлегендә дә. Бу нәтиҗәгә Русия экспорт үзәге, экспертларның гамәли характердагы һәм һәркемгә аңлаешлы киңәшләре ярдәмендә ирешелде, - дип билгеләде Радий Хәбиров. - Болар барысы да республиканың тышкы сәүдә әйләнеше күрсәткечләренең үсүендә, чимал булмаган продукцияне экспортлауның артуында чагылыш таба.
Вероника Никишина продуктларга да, процессларга да кагылышлы ярдәм нәтиҗәлелеген арттыру зарурлыгын билгеләп үтте.
- Якын арада безнең бурыч - РЭЦ төркеменең һәм төбәкләрдәге экспортка ярдәм күрсәтү үзәкләренең үзара якынаюын тәэмин итү, - диде Вероника Никишина. - Без экспортка ярдәм күрсәтү системасында катнашучылар, клиентны экспорт юлы буенча алып барып, бер-берсе белән тулырак һәм нәтиҗәле аралашу максатында үзара хезмәттәшлек итәргә тиеш булудан чыгып эш итәбез.
Очрашуның ахырында Башкортстан Башлыгы Радий Хәбиров Вероника Никишинаны Халыклар дуслыгы ордены белән бүләкләде, республика белән Русия экспорт үзәге арасындагы озайлы һәм нәтиҗәле хезмәттәшлекне билгеләп үтте.
