2022 елда безне нинди үзгәрешләр көтә?

2022 елда нинди законнар көченә керә. Шуларның берничәсенә тукталып үтик.

Мәҗбүри техник тикшерү гамәлдән чыгарыла

2022 елның 1 гыйнварыннан автомобильчеләргә һәм мотоциклчыларга техник тикшерү узарга һәм ОСАГО полисын рәсмиләштерү һәм юлга чыгу өчен диагностик карта алырга кирәк булмаячак.
Дүрт елдан озаграк файдаланылучы транспорт чарасын исәпкә куярга яки хуҗасын алмаштыруны теркәргә кирәк булганда мәҗбүри техосмотр калачак (мәсәлән, сатканда). Моннан тыш, процедура конструкцияне үзгәрткәндә яисә төп агрегатларны алыштырганда мәҗбүри булачак. Шулай ук техосмотр такси, автобус һәм йөк машиналары өчен мәҗбүри булып кала.

"Больничныйлар" - электрон форматта

Электрон "больничный"лар инде актив кулланыла, әмма 2022 елдан хезмәткә вакытлыча яраксызлык турында гадәти кәгазь битләре тулысынча үткәнгә китәчәк, һәм электрон төрдә булачак. Яңа форматтагы документгап табиблар электрон имза куячак һәм Социаль страховка фондына җибәрәчәк. 1 гыйнвардан башлап барлык эш бирүчеләр ФСС электрон документлар әйләнеше системасына кушылырга тиеш булганга, Фонд эш бирүче белән турыдан-туры аралаша алачак һәм хезмәткә сәләтсезлек электрон кәгазенең ачылуы, озайтылуы яки ябылуы турында хәбәр итәчәк.
Элек эш бирүчеләр вакытлыча хезмәткә яраксызлык буенча пособиеләр түләүне үз акчаларыннан башкара, ә аннары Фондтан компенсация ала иде. Хәзер исә акчалар шулай ук Социаль страховка фонды тарафыннан турыдан-туры исәпләнәчәк.

3 яшькә кадәр балаларга түләүләр нинди?

Беренче һәм икенче балага өч яшькә кадәр айлык түләүне алачак гаиләләр саны арта. Әгәр дә гаиләнең җан башына уртача кереме төбәктә эшкә яраклы халык өчен билгеләнгән ике яшәү минимумыннан кимрәк булса, түләү каралган. Элегрәк бу күрсәткеч алдагы елның икенче кварталына алынган иде, хәзер - түләү өчен мөрәҗәгать итү елына.
Пособие күләме дә үсә - ул балалар өчен яшәү минимумына, гаилә түләү өчен мөрәҗәгать иткән елга тигез булачак.

Ана капиталы:

1 гыйнвардан ана капиталы фараз буенча түгел, ә фактик инфляция буенча индексланачак. Аның күләме ел саен 1 февральдә яңадан каралачак.

Пенсияләр ничек билгеләнә?

Инвалидлык буенча страховка һәм социаль пенсияләр, шулай ук мәшгульлек хезмәте органнары тәкъдиме буенча пенсияләр хәзер гражданның гаризасыннан башка билгеләнәчәк. Пенсиягә, мәсәлән, яшәү минимумы дәрәҗәсенә кадәр социаль өстәмә түләүләргә дә гариза язарга кирәкми.
Моннан тыш, Пенсия фонды өч елга бер тапкыр хатын-кызларга - 40 яшьтән һәм ир-атларга 45 яшьтән аларның пенсияләрен формалаштыру турында хәбәр итәчәк.

Фитнес һәм спорт өчен салым акчасын кайтарырга мөмкин

Салым түләве 2022 елның 1 гыйнварыннан сарыф ителгән суммаларга кулланылачак, ягъни акчаларны 2023 елда кайтарып алырга мөмкин булачак, ләкин чеклар һәм килешүләрне яңа ел җитү белән сакларга кирәк. Түләүне үзеңә генә түгел, 18 яшькә кадәр балаларга да алырга мөмкин булачак.
Спорт һәм сәламәтләндерү хезмәтләре өчен акчаны кайтару өчен календарь елга югары планка 120 мең сум белән чикләнгән. Бу - максималь сумма 15,6 мең сум (13 процент) тәшкил итәчәк дигәнне аңлата.

Фото: социаль челтәрдән.