+21 °С
Болытлы
Көнүзәк
27 гыйнвар 2022, 10:05
Көннәр чаңгы шуарлык булырмы?
Синоптиклар атналык һава торышына фараз белән таныштырды.
Көннәр чаңгы шуарлык булырмы?
Бүген, 27 гыйнварда, Башкортстан территориясендә бераз кар явуы көтелә, юлларда кар көртләре һәм бозлавык, җил көньяктан исәчәк. Һава температурасы төнлә -10,-15, аязыткан вакытта -18, -23 градуска җитәчәк, көндез -5, -10 градус салкын.
28 һәм 29 гыйнварда аязаючан-болытлы һава торышы көтелә, бераз кар явачак. Җил көньяктан һәм көнчыгыштан талгын исәчәк. Һава температурасы төнлә -11-16, аязытканда -18, -23 градуска кадәр суыта, көндез -6, -13 градус булачак.
30 һәм 31 гыйнварда көннәр болытлы торачак. Урыны белән бераз кар явуы ихтимал. Җил юнәлешен үзгәртүчән, секундына 2-8 метр тизлектә исәчәк, төнлә һава температурасы -5, -15, ә көндез -6, -13 градус салкын булачак.
Февральнең беренче көннәрендә җылы һава торышы көтелә. 1 һәм 2 февральдә һава температурасы төнлә -2, -7, көндез -6, -8 градус булачак.
Шулай ук Башкортстанның Гадәттән тыш хәлләр буенча дәүләт комитетында 27 гыйнвардан 2 февральгә кадәрге чорда көчле җил, бозлавык, суык һава торышы, томан һәм көчле кар явуы ихтималлыгын да билгелиләр.
Фото: strazhy.ru
