+20 °С
Болытлы
Көнүзәк
22 февраль 2022, 08:50
Журналист Лянге Донбасстан халыкны эвакуацияләүне хуплады
“ФедералПресс” хәбәр итүенчә, Донбасстан эвакуацияләнүчеләргә ярдәм итүгә карата Русиядә иҗтимагый консенсуска ирешеләчәк. Мондый фикер белән "Этник журналистика гильдиясе" журналистларының төбәкара иҗтимагый оешмасы президенты Маргарита Лянге чыгыш ясады.
Журналист Лянге Донбасстан халыкны эвакуацияләүне хуплады
“Русиялеләр моны һичшиксез кабул итәчәк. Монда вариантлар була алмый. Кешеләр балалар белән бергә үтерелү хәвефеннән котыла”, - дип билгеләде Маргарита Лянге.
Журналист, шулай ук, Русия хакимиятләренең эвакуацияләнүчеләргә кирәкле ярдәмне күрсәтәчәген ассызыклады.
"Нәрсә эшләргә мөмкин - барысын да эшләячәкләр, барлык төбәкләрдә дә моны эшли башладылар, - дип билгеләде публицист Маргарита Лянге. - Донбасстан эвакуацияләнгән кешеләргә аеруча авыр туры килә".
“Атулар, кешеләрнең эвакуацияләнә башлавы турында мәгълүматлар барлыкка килү белән Якутия кебек төрле төбәкләрнең җавап бирүе һәм нинди төбәк күпме кешене кабул итә алуы турында төгәл сөйли башлавы гаҗәпләндерде”, - дип ассызыклады журналистка.
18 февральдә Донецк һәм Луганск халык республикалары власте Русиягә халкын киңкүләм эвакуацияләү турында игълан итте.
Фото: “ФедералПресс”
