Яңа программа үз эшен башлаячак

Бүген кластерлар, технопарклар һәм Русия МИЗ әгъзаларының гомум җыелышында «Повестка ESG: сәнәгать инфраструктурасының тотрыклы үсеше» яңа белем бирү программасы күрсәтелде (махсус икътисади зоналар, технопарклар, индустриаль парклар).

- Программаның максаты - сәнәгать-җитештерү, техник-гамәлгә кертү, логистик һәм туристлык өлкәләрендә преференция режимы булган территорияләрне төзергә һәм үстерергә өйрәтү. Программа 2 елга исәпләнгән: катнашучыларны МИЗ булдыруга нульдән - МИЗ төзү һәм үстерү проектын гамәлгә ашыру өчен мәйданчык сайлау, проектны әзерләү, идарә итү үзенчәлекләре, территорияне зоналаштыру, проектның финанс моделен һәм идарәче компания хезмәтләре портфелен эшләү, - дип билгеләде икътисади үсеш министры урынбасары Сергей Галкин.

- ESG стандартлары компанияләрнең озак вакытлы кыйммәтләр булдыру сәләтенә йогынты ясый һәм шул рәвешле кыска вакытлы бизнес-тәртиптән озак вакытка күчүне, үзләренең көндәшлеккә сәләтлелеген тәэмин итә. Башкортстан өчен бу, әлбәттә, инвестицион җәлеп итүчәнлекне арттыру, - дип билгеләде Башкортстан Республикасының сәнәгать, энергетика һәм инновацияләр министры Александр Шельдяев.

Программада катнашучыларга тотрыклы үсеш максатлары һәм бурычлары, тотрыклы үсеш бурычлары кысаларында эшчәнлек күрсәткечләре, хисап системалары, Русиядә тотрыклы үсеш максатларын һәм ESG принципларын кертү методологиясе турында сөйләячәкләр. Шулай ук программалар тәмамланганнан соң, Башкортстанда Уфада сәнәгать инфраструктурасы объектларында ESG принципларын гамәлгә кертү буенча сынау мәйданчыгы буларак яклау планлаштырыла.

- ESG аббревиатурасы шактый гади аңлатыла, бу нибары өч сүз: environmental - тирә-як мохит, social - социаль үсеш, governance - корпоратив идарә. ESG нигезендә яткан идея - коммерция эшчәнлеген тотрыклы үстерү. Белем бирү программасы безгә компетенцияләрне үстерергә ярдәм итәчәк, алар барлык өч категориядә үсеш стандартларына туры килергә мөмкинлек бирәчәк, шул исәптән социаль, идарә һәм экологик юнәлешләрне дә, - дип саный «Промцентр» җәмгыятенең индустриаль паркы генеральный директоры Павел Васильев.

Белем бирү программасында катнашу өчен заявканы түбәндәге электрон почтага җибәрергә: info@ineck.ru, яисә 7 (495) 640-56-67 телефоны буенча калдырырга кирәк.