Фирганәдә - эшлекле очрашулар

Башкортстанның сәүдә һәм хезмәтләр министры Алексей Гусев җитәкчелегендәге делегация Үзбәкстан Республикасының Фирганә өлкәсе предприятиеләре җитәкчеләре белән сөйләшүләр һәм очрашулар барышында 10,2 миллион долларлык 7 килешү төзеде, шул исәптән он, макарон, көнбагыш мае һәм шикәр экспортлау, җиләк-җимеш, яшелчәләр, тәмләткечләр импортлау турында да.

- Әлеге республикага эш сәфәре кысаларында без Фирганә хакиме урынбасары һәм предприятие җитәкчеләре белән очраштык. Ышанам ки, әлеге килешүләр бизнес даирәләренең озак вакытлы үзара файдалы хезмәттәшлеге башлангычы булачак, - дип сөйләде министр Алексей Гусев.

Шулай ук Фирганә өлкәсе Сәүдә-сәнәгать палатасы белән мөнәсәбәтләрне көйләү турында килешүгә ирешелде, анда алга таба багланышлар турында җентекләп язылачак.

Моннан тыш, Үзбәкстан эшкәртү предприятиеләренә дә бай. Башкортстан үзбәк коллегалары белән хезмәттәшлек итәргә тели.

- Ике ел ярым элек, Үзбәкстан тәҗрибәсен өйрәнеп, без Агросәнәгать кластерын булдырдык. Үзбәкстанда булган предприятиеләрнең берсе безнең кластерда катнашырга әзер. Тиешле килешүне теркәргә килештек, - дип өстәде Алексей Гусев.