+13 °С
Яңгыр
Барлык яңалыклар
Көнүзәк
17 Май 2022, 10:05
Зарланып утыра торган заман түгел...
Башкортстан Башлыгы Радий Хәбиров һәр мәсьәләдә активрак һәм нәтиҗәлерәк булырга чакырды.
Зарланып утыра торган заман түгел...
Агымдагы елның беренче дүрт аенда Башкортстанда 1 миллион квадрат метр торак төзелгән һәм файдалануга тапшырылган, бу, 2021 елның гыйнвар-апрель айлары күрсәткечләре белән чагыштырганда, 10,8 процентка күбрәк. “Узган елда торак тапшыру буенча югары күрсәткечләргә ирештек, бу ел да әлегә яхшы нәтиҗәләр күрсәтә, — диде төбәк җитәкчесе. — Шушы темпларны саклап калырга тырышырга кирәк. Кулдан килгәннең барысын да эшләү зарур.
Соңгы 30 көндә Башкортстанда коронавирус белән авыручылар саны — 75 процентка, ә соңгы 7 көндә 46 процентка кимегән. Бу хакта оператив киңәшмәдә сәламәтлек саклау министры вазыйфасын башкаручы Азат Рәхмәтуллин белдерде.
Агымдагы елның гыйнвар-апрель айларында Башкортстан икътисадына 70 миллиард сум инвестиция җәлеп ителгән. Узган елның беренче кварталы белән чагыштырганда, үсеш 124,9 процент тәшкил иткән. Бу хакта Радий Хәбиров җиткерде. “Ягъни 2021 елның беренче кварталына инвестицияләр буенча 25 процентка плюс белән барабыз. Бик югары күрсәткеч. Икътисадка 70 миллиард сум килде, бу да бик яхшы”, — дип белдерде төбәк җитәкчесе.
Радий Хәбиров белдерүенчә, хәзер төбәкләр өчен зарланып утыра торган заман түгел. “Киресенчә, бу — уникаль мөмкинлекләр вакыты. Әгәр тизрәк йөгерсәк, эшләсәк, уйласак, һичшиксез, икътисадка акча киләчәк. Шуңа күрә бу юлда нинди дә булса проблемалар очраса, хәл итүегезне сорыйм. Инвесторлар белән алга таба да ышанычлы эшлибез. Без чит ил инвесторлары белән 24 февральдән соң да очраштык, һәм алар үз проектларын туктатмыйлар. Шуңа күрә алга баруны дәвам итәбез”, — дип нәтиҗә ясады Радий Хәбиров.
Башкортстанда агымдагы юл-төзелеш сезонындагы хәлләр торышы турында транспорт һәм юл хуҗалыгы министры Александр Булушев хәбәр итте. Радий Хәбиров игътибарны Уфаның Көньяк керү юлына юнәлтте. “Бу юлның һәр миллиметры идеаль булырга тиеш. Газоннар тигез булсын өчен яшелләндерүгә бик җаваплы каравыгызны сорыйм. Без моның техник яктан ничек эшләнәчәген беләбез, һәм хәзер мине эстетика мәсьәләсе борчый, чөнки бу — Башкортстанның Көньяк капкалары, республика башкаласының визит карточкасы”, — диде республика Башлыгы.
Киңәшмәдә Иске Сибай авылында яңа мәктәп төзелеше мәсьәләсе дә күтәрелде. “14 майда без Баймак районына сәфәр кылдык. Игътибарыгызны юнәлтәсем килгән беренче объект — Иске Сибайдагы мәктәп. Беренче сентябрьгә ул тапшырылырга тиеш. Югыйсә, мин Төзелеш министрлыгы җитәкчесенә карата карар кабул итәчәкмен. Мин моны ачыктан-ачык әйтәм. Шаяртулар бетте”, — диде төбәк җитәкчесе, төзелеш һәм архитектура министры Егор Родинга мөрәҗәгать итеп.
Башкортстан аграрийлары бүгенге көнгә язгы чәчү эшләрен планлаштырылган мәйданнарның 66 процентында башкарган, шул исәптән 34 район экваторны үткән. Болар — Урал алды даласы һәм Көньяк урман-дала зонасы хуҗалыклары, шул ук вакытта Кырмыскалы, Стәрлетамак, Илеш, Авыргазы, Әлшәй районнарында мәйданның 85 проценттан артыграгы чәчелгән. Вице-премьер, авыл хуҗалыгы министры Илшат Фазрахманов язгы кыр эшләренең планга ярашлы баруын билгеләде.
Социаль хезмәт күрсәтү һәм халыкны яклау линиясе буенча мөрәҗәгатьләр саны, узган атнадагы белән чагыштырганда, 578гә арткан. Гомум саны — 1023. Нигездә, кешеләр балалар өчен түләүләр белән кызыксына. Башкортстанның гаилә, хезмәт һәм халыкны социаль яклау министры Ленара Иванова сүзләренә караганда, мондый хәл техник сәбәпләр аркасында килеп чыккан. “Хәзер хәл төзәтелә, бераз түзәргә генә кирәк”, — диде Ленара Иванова.
Резеда ГАЛИКӘЕВА.
Соңгы 30 көндә Башкортстанда коронавирус белән авыручылар саны — 75 процентка, ә соңгы 7 көндә 46 процентка кимегән. Бу хакта оператив киңәшмәдә сәламәтлек саклау министры вазыйфасын башкаручы Азат Рәхмәтуллин белдерде.
Агымдагы елның гыйнвар-апрель айларында Башкортстан икътисадына 70 миллиард сум инвестиция җәлеп ителгән. Узган елның беренче кварталы белән чагыштырганда, үсеш 124,9 процент тәшкил иткән. Бу хакта Радий Хәбиров җиткерде. “Ягъни 2021 елның беренче кварталына инвестицияләр буенча 25 процентка плюс белән барабыз. Бик югары күрсәткеч. Икътисадка 70 миллиард сум килде, бу да бик яхшы”, — дип белдерде төбәк җитәкчесе.
Радий Хәбиров белдерүенчә, хәзер төбәкләр өчен зарланып утыра торган заман түгел. “Киресенчә, бу — уникаль мөмкинлекләр вакыты. Әгәр тизрәк йөгерсәк, эшләсәк, уйласак, һичшиксез, икътисадка акча киләчәк. Шуңа күрә бу юлда нинди дә булса проблемалар очраса, хәл итүегезне сорыйм. Инвесторлар белән алга таба да ышанычлы эшлибез. Без чит ил инвесторлары белән 24 февральдән соң да очраштык, һәм алар үз проектларын туктатмыйлар. Шуңа күрә алга баруны дәвам итәбез”, — дип нәтиҗә ясады Радий Хәбиров.
Башкортстанда агымдагы юл-төзелеш сезонындагы хәлләр торышы турында транспорт һәм юл хуҗалыгы министры Александр Булушев хәбәр итте. Радий Хәбиров игътибарны Уфаның Көньяк керү юлына юнәлтте. “Бу юлның һәр миллиметры идеаль булырга тиеш. Газоннар тигез булсын өчен яшелләндерүгә бик җаваплы каравыгызны сорыйм. Без моның техник яктан ничек эшләнәчәген беләбез, һәм хәзер мине эстетика мәсьәләсе борчый, чөнки бу — Башкортстанның Көньяк капкалары, республика башкаласының визит карточкасы”, — диде республика Башлыгы.
Киңәшмәдә Иске Сибай авылында яңа мәктәп төзелеше мәсьәләсе дә күтәрелде. “14 майда без Баймак районына сәфәр кылдык. Игътибарыгызны юнәлтәсем килгән беренче объект — Иске Сибайдагы мәктәп. Беренче сентябрьгә ул тапшырылырга тиеш. Югыйсә, мин Төзелеш министрлыгы җитәкчесенә карата карар кабул итәчәкмен. Мин моны ачыктан-ачык әйтәм. Шаяртулар бетте”, — диде төбәк җитәкчесе, төзелеш һәм архитектура министры Егор Родинга мөрәҗәгать итеп.
Башкортстан аграрийлары бүгенге көнгә язгы чәчү эшләрен планлаштырылган мәйданнарның 66 процентында башкарган, шул исәптән 34 район экваторны үткән. Болар — Урал алды даласы һәм Көньяк урман-дала зонасы хуҗалыклары, шул ук вакытта Кырмыскалы, Стәрлетамак, Илеш, Авыргазы, Әлшәй районнарында мәйданның 85 проценттан артыграгы чәчелгән. Вице-премьер, авыл хуҗалыгы министры Илшат Фазрахманов язгы кыр эшләренең планга ярашлы баруын билгеләде.
Социаль хезмәт күрсәтү һәм халыкны яклау линиясе буенча мөрәҗәгатьләр саны, узган атнадагы белән чагыштырганда, 578гә арткан. Гомум саны — 1023. Нигездә, кешеләр балалар өчен түләүләр белән кызыксына. Башкортстанның гаилә, хезмәт һәм халыкны социаль яклау министры Ленара Иванова сүзләренә караганда, мондый хәл техник сәбәпләр аркасында килеп чыккан. “Хәзер хәл төзәтелә, бераз түзәргә генә кирәк”, — диде Ленара Иванова.
Резеда ГАЛИКӘЕВА.
Читайте нас:
© 2019-2024 “KizilTan” электрон басмасы элемтә, мәгълүмат технологияләре һәм киңкүләм коммуникацияләр өлкәсендә күзәтчелек буенча федераль хезмәт тарафыннан теркәлгән.
Теркәлү саны: 2019 елның 24 маендагы Эл сериясе № ФС 77-75682.
Басманың яшь категориясе 12+
___________________
Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)
Регистрационный номер: серия Эл № ФС 77-75682 от 24 мая 2019 г.
Возрастная категория издания 12+
Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, Башкортстан Республикасының “Республика Башкортостан” Нәшрият йорты дәүләт унитар предприятиесе.
____________________
УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».
Баш мөхәррир Фаил Камил улы Фәтхетдинов.
Кабул итү бүлмәсе телефоны: 8 (347) 272-13-61.
___________________
Главный редактор: Фатхтдинов Фаил Камилович.
Телефон приемной: (347) 272-13-61.
Телефон
8(347)272-13-61
Электрон почта
kyzyltan@mail.ru
Адресы
450079, Уфа шәһәре, Октябрьнең 50 еллыгы урамы, 13 нче йорт
Реклама хезмәте
8(347)272-62-27
Хезмәттәшлек
8(347)272-62-27