Радий Хәбиров журналистларга рәхмәт белдерде

Бүген Уфаның «Торатау» Конгресс-холлында Башкортстан Башлыгы Радий Хәбиров «Медиаҗыен» милли киңкүләм мәгълүмат чаралары форумының икенче пленар утырышында катнашты. Ул 600дән артык мөхәррир, республика һәм муниципаль киңкүләм мәгълүмат чаралары журналистларын, блогерлар һәм экспертларны җыеп, тармакны үстерүнең актуаль мәсьәләләре һәм аны дәүләт ярдәменең төп юнәлешләре турында фикер алышу өчен җыйды. Утырышның модераторы - Русия Дәүләт думасы депутаты Эльвира Аеткулова.

Башкортстан Башлыгы үз чыгышында республика үсешендә һәм анда яшәүчеләрне берләштерүдә журналистик бергәлекнең мөһим ролен билгеләп үтте.

- Хакимиятнең һәм журналистиканың үзара мөнәсәбәте - бик мөһим сорау. Чөнки безнең алда торган бурычларны һөнәри аңлату эшеннән һәм әлеге эшчәнлекне яктыртудан башка хәл итә алмыйбыз, - дип ассызыклады Радий Хәбиров. - Соңгы ике елда киңкүләм мәгълүмат чаралары белән бергә без җитди сынаулар уздык. Халыкка коронавирус инфекциясе таралу чорында эпидемиологик чикләүләрнең асылы, коллектив иммунитетка ирешү өчен вакцинация зарурлыгы турында аңлаттылар. Һәм бүген без бергәләп Президентыбыз Владимир Путинны, Русиянең тышкы сәяси курсын, дәүләтне нацизмнан яклау өчен Украина территориясендә махсус хәрби операция уздыруны хуплыйбыз. Сезнең позициягез, хөрмәтле коллега-журналистлар, барлык бу бурычларны уңышлы хәл итү өчен бик мөһим.

- Социаль челтәрләр аудитория белән эшләүнең уникаль коралы булып тора. Дәүләт киңкүләи мәгълүмат чаралары позицияләрен ныгытуга карамастан, журналистлар технологик һәм заманча булырга тиеш. Сез ышаныч яуларга, ышанычлы һәм ярдәмчел булырга тиешсез, - дип йомгаклады Радий Хәбиров. - Сезгә уңышлар һәм һөнәри осталык, принципиальлек өчен рәхмәт белдерәсем килә.