+21 °С
Облачно
Көнүзәк
17 Июня 2022, 15:15
Башкортстанда бизнесны тикшерү нык кимеде
2022 елның мартында Русия Федерациясе Хөкүмәте тарафыннан контроль (күзәтчелек) һәм рөхсәт бирү эшчәнлеге өлкәсендә ярдәм чараларын регламентлаучы берничә норматив документ кабул ителде.
Башкортстанда бизнесны тикшерү нык кимеде
Шулай итеп, 2022 елның 10 мартындагы 336 санлы Русия Хөкүмәте карары белән 2022 елда контроль (күзәтчелек) чаралар үткәрүгә мораторий кертелде. Ул планлы тикшерүгә да, планнан тыш тикшерүләргә дә кагыла. Беренче тапкыр кече һәм урта бизнес белән беррәттән, мораторий эре компанияләргә карата да гамәлдә.
Нәтиҗәдә, Русия Икътисади үсеш министрлыгы мәгълүматлары буенча, ил буенча тикшерүләр саны алты тапкыр кимегән. Кагыйдә буларак, бер контроль чара, уртача алганда, сигез-тугыз эш көне алып тора һәм аңа, ким дигәндә, өч кеше җавап бирә. Әгәр боларның барысын да чыгымнарга санап карасак, мораторий бизнеска елына 60 миллиард сумнан артык акчаны янга калдырачак, дип әйтергә була.
Төбәк хакимиятләре шулай ук бизнес эшен максималь дәрәҗәдә гадиләштерүгә зур көч куйган.
Тулаем алганда, ил буенча беренче чираттагы гамәлләр планы 252 чараны үз эченә ала, шуларның 185 буенча законнар һәм эшләтеп җибәрү өчен кирәкле барлык норматив база кабул ителгән.
Республика Хөкүмәте Аппараты тарафыннан үткәрелә торган тикшерүләрнең санына ай саен мониторинг оештырылды. Тулаем алганда, мораторий кертү республикада элек бирелгән 6,5 меңнән артык күрсәтмәне автомат рәвештә озайту буенча 3 меңнән артык контроль чараны юкка чыгаруга китергән.
Мораторийны бозу очрагында контроль (күзәтчелек) органнары тарафыннан кире элемтә каналы оештырылды. Мораторий вакытында үткәрелгән тикшерүгә шикаять бирергә мөмкин:
- Русия Икътисади үсеш министрлыгының электрон почтасына: proverki.net@economy.gov.ru;
- дәүләт һәм муниципаль хезмәтләр күрсәтүнең бердәм порталында: https://knd.gosuslugi.ru/
Фото: pravitelstvorb.ru
