Казахстан белән хезмәттәшлек тагын да үсәчәк

Бүген Петербург халыкара икътисади форумы кысаларында Башкортстан Башлыгы Радий Хәбиров һәм Казахстан Президенты Касым-Жомарт Токаевның очрашуы булды. Республика Хөкүмәте әгъзалары катнашында сәүдә-икътисади, сәнәгать, инвестиция һәм мәдәни-гуманитар өлкәләрдә Казахстан белән Башкортстан арасындагы хезмәттәшлекне алга таба ныгыту чаралары турында фикер алыштылар. Касым-Жомарт Токаев ассызыклаганча, Башкортстан Казахстанның Русия Федерациясе белән стратегик партнерлыгында аерым урын алып тора. Хәерле көн, Радий Фәрит улы! Исәнмесез, кадерле дуслар! Сезне күрүемә бик шатмын. Күптән түгел Казахстан башкаласында яхшы очрашу булды. Хезмәттәшлеккә билгеле бер этәргеч бирелде. Без, һичшиксез, Казахстан белән Башкортстан арасында эшлекле хезмәттәшлеккә килгәндә конкрет проектлар булдыру һәм үстерү белән кызыксынабыз. Сезнең эшлекле даирәләрегезне, Казахстан дәүләт компанияләре җитәкчеләрен чакырам. Алар өчен барлык шартларны да тудырачакбыз. Без хәзер тышкы икътисади эшчәнлекне интенсивлаштырабыз. Бу җәһәттән Русия Федерациясе субъектлары белән хезмәттәшлек аеруча әһәмиятле. Биредә, Петербург халыкара икътисади форумында, безнең вәкилләр проектларны киләчәккә билгели алыр иде, - диде Казахстан башлыгы. - Казахстанга сәфәр вакытында безнең делегация без гамәлгә ашыра торган берничә килешү төзеде. Барыннан да элек, без үзара мөнәсәбәтләр инфраструктурасын төзедек, чөнки бу Казахстан һәм Башкортстан бизнесы арасындагы мөнәсәбәтләрнең яңа этабы. Без эш төркемен төзедек һәм 2022 елның гыйнварында аның утырышында хезмәттәшлекне үстерүнең актуаль мәсьәләләре турында фикер алыштык. Товар әйләнеше елдан-ел үсә, дип әйтәсем килә. Хәзерге вакытта Казахстан һәм Башкортстанның товар әйләнеше 430 миллион доллар тирәсе. Безнең перспективабыз бар дип уйлыйм, һәм без аны гамәлгә ашырырга тиеш, - диде Радий Хәбиров һәм Казахстан белән хезмәттәшлекнең мөһим булуын ассызыклады.