+10 °С
Ачык
Көнүзәк
6 сентябрь 2022, 18:20
Алданган өлешчеләр проблемалары хәл ителә
2022 елның гыйнвар-августында Башкортстанда 1 602 өлешченең бозылган хокукларын тергезгәннәр. Бу хакта республика төзелеш һәм архитектура министры урынбасары Артем Ковшов атна саен уздырыла торган оператив киңәшмәдә хәбәр итте. Аны төбәк Башлыгы Радий Хәбиров алып барды.
Алданган өлешчеләр проблемалары хәл ителә
2022 ел башыннан Территорияләрне үстерү федераль фонды белән эшләү кысаларында төбәктә яшәүче 1 451 кешегә 4,9 миллиард сум күләмендә акчалата компенсацияләр түләгән. 140тан артык өлешче үз фатирларын алган.
- Сентябрь башына республиканың проблемалы объектларының бердәм реестрында 80 йорт кала. Бозылган хокукларны тергезүне өлешле төзелештә 3,6 мең катнашучы көтә, - дип хәбәр итте Артём Ковшов. - Территорияләрне үстерү фондының күзәтчелек советы Башкортстанның 77 “озын төзелеше”нә карата карар кабул итте. Шуларның 39ы - төзеп бетерү, 38е - компенсация түләү турында.
Башкортстан Башлыгы республика Хөкүмәтенә проблемалы йортларны төзеп бетерү графигын төгәл контрольдә тотарга кушты.
- Русия Президенты Владимир Владимирович Путинның йөкләмәсе бар. 2023 ел ахырына без өлешчеләрнең бозылган хокукларын тергезергә һәм бу проблеманы тулысынча хәл итәргә тиеш, - дип ассызыклады Радий Хәбиров.
