Әрмәнстан белән хезмәттәшлек итүче компанияләр арта

Бу хакта "Час с Торгпредом" форматындагы онлайн-киңәшмә барышында билгеле булды. Анда Башкортстанның тышкы икътисади элемтәләр һәм конгресс эшчәнлеге министрының беренче урынбасары Лена Изотова, Экспортны яклау үзәге директоры Илдус Халитов һәм Русия Федерациясенең Әрмәнстан Республикасындагы сәүдә вәкиле Анна Донченко катнаштылар.

- 2022 елның беренче яртысы нәтиҗәләре буенча үзара товар әйләнеше үсеше 5,2 тапкырга артып, Әрмәнстан Республикасы белән сәүдә багланышларын саклап кына калмыйча, ныгытырга да мөмкин булуы турында сөйли. Шул ук вакытта без бу илгә экспорт өлешен арттыру эшен дәвам итәбез. Бүгенге очрашу бизнес инициативасы буенча оештырылды, безнең предприятиеләр Әрмәнстан белән хезмәттәшлек итәргә тели. Агымдагы елның 1-4 ноябренә планлаштырылган бу илгә бизнес-миссиягә әзерләнәбез, - диде Башкортстанның тышкы икътисади элемтәләр һәм конгресс эшчәнлеге министры Маргарита Болычева.

Тышкы икътисади ведомство җитәкчесе өстәп әйткәнчә, делегациянең очышы Уфа - Ереван туры авиаэлемтәсе даталарына планлаштырылган. Бу маршрут буенча рейслар дүшәмбе көннәрендә башкарыла.

Очрашуда Башкортстан предприятиеләренә Әрмәнстан Республикасының транспорт базары үзенчәлекләре, шулай ук булган логистик маршрутлар тәкъдим ителде. Әрмәнстан территориясендә юридик берәмлек булдыру мөмкинлекләре билгеләнгән, аның процессы 1дән 3 көнгә кадәр вакытны алып тора, һәм шәхси катнашуны таләп итми. Шулай ук компанияләргә илдәге тендер мәйданчыклары турында мәгълүмат җиткерелде.