"Инцидент менеджмент"та мөрәҗәгатьләр арткан

Бу хакта Башкортстан Башлыгының Социаль коммуникацияләр буенча идарәсе башлыгы Елена Прочаковская атна саен үткәрелә торган оператив киңәшмәдә хәбәр итте.

Система өлешчә мобилизация мәсьәләләре буенча 825 хәбәр теркәгән. Бу - алдагы атнага караганда 294кә күбрәк. Күпчелек сораулар 16 яшькә кадәр өч балалы мобилизацияләнгән әтиләргә кагыла. Русия Федерациясе Кораллы Көчләре Генеральный штабы киңәшләре нигезендә алар өлешчә мобилизациягә чакырылырга тиеш түгел. Әмма элек чакырылганнар буенча сорау ачык кала. Башкортстан Башлыгы әлеге категориядән мобилизацияләнгәннәрне кире кайтару процедурасын эшләүне йөкләде.

– Бүген үк бу мәсьәләне безнең оператив штабка чыгаруыгызны сорыйм. Әгәр юридик схема бар икән, хәрби алымнарны камилләштерү урыннарындагы 16 яшькә кадәр өч баласы булган әтиләрне кире кайтарачакбыз. Бу - 200дән артык кеше, - диде Радий Хәбиров.

Икенче урында юллар темасы - 699 мөрәҗәгать, төзекләндерү - 568, торак-коммуналь хуҗалык - 551 һәм сәламәтлек саклау буенча - 354 мөрәҗәгать.
Ситуацион үзәккә күпканаллы (347) 218-19-19 телефоны буенча шалтыратырга мөмкин. Үзәк көн саен 8:00дән 20:00 сәгатькә кадәр эшли.

Фото: glavarb.ru