Башкортстан ЦУРы 2021-22 елларда 500 меңнән артык мөрәҗәгать теркәгән

2022 елда Башкортстан ЦУРы төбәге район хакимиятләре, министрлыклары һәм ведомстволары хезмәттәшләре белән бергә 222 417 мөрәҗәгать эшләгән - 2021 ел белән чагыштырганда, 61 216 мөрәҗәгатькә кимрәк (ул вакытта 283 633 мөрәҗәгать булган).

Ике ел эчендә, 2021 елның гыйнварыннан 2022 елның декабренә кадәр, 506 050 мөрәҗәгать эшләгән. Ике ел эчендә Башкортстан халкын нинди сораулар борчыды? Нигездә, кешеләрне юллар, төзекләндерү, өлешчә мобилизация, сәламәтлек саклау/медицина, җәмәгать транспорты, ТКХ, чүп-чар чыгару, мәгариф мәсьәләләре борчыды. Бу темалар буенча мөрәҗәгатьләр барыннан да күбрәк иде.

2021-22 елларда Башкортстан ЦУРы министрлыклары һәм ведомстволары хезмәттәшләре белән актуаль темаларга 39 брифинг тәкъдим итте. Шуларның 8ен 2022 елда узды. Ел ахырына кадәр тагын берне уздырырга планлаштырыла.

2021-22 елларда Башкортстан ЦУРы хезмәткәрләре 343 тапкыр БСТның “Сәлам” программасының туры эфирына чыга. 2022 елда 305 эфир: урыс телендә 236 һәм башкорт телендә 107 эфир үткәрде.

Республика белән идарә итү үзәге муниципалитетлар башлыклары, министрлар һәм төбәкнең төрле ведомстволары җитәкчеләре белән даими элемтәдә тора. 2022 елда Башкортстан ЦУР командасы ОМСУ башлыклары һәм 13 идарә тармагы җитәкчеләре белән 8 туры эфир үткәрде.

2020 елның 16 ноябрендә Республика ситуация үзәге эшли башлады. Аны ачу көненнән һәм 2022 елның декабренә кадәр төрле темалар буенча 835 986 шалтырату килгән.

Башкортстан Башлыгының социаль коммуникацияләр буенча идарәсе җитәкчесе, “Башкортстан Республикасы идарәсе үзәге” проекты җитәкчесе Елена Прочаковская билгеләп үткәнчә, ЦУР зур күләмдәге эш башкара.

- Команда ЦУР куелган бурычларны үтәргә тырыша, - дип ассызыклады Елена Прочаковская. - Ике ел эчендә республика белән идарә итү үзәге район хакимиятләре, министрлыклар һәм ведомстволар хезмәттәшләре белән бергә 500 меңнән артык инцидент эшләде. Кабатлап әйтәм, бу бары тик команда эше аркасында гына мөмкин.

Исегезгә төшерәбез, идарә үзәкләре Русия төбәкләрендә Русия Президенты Владимир Путин йөкләмәсе буенча барлыкка килә башлады. Башкортстан Республикасы идарәсе үзәге 2020 елның 19 ноябрендә республика Башлыгының социаль коммуникацияләр идарәсе базасында оештырыла.

Илдә 84 ЦУР эшен координацияләү "Диалог Регионы" АНО башкара. "Диалог Регионы" АНО генеральный директоры Владимир Табак сүзләренчә, ике ел эчендә ЦУР барлык чыганаклардан гражданнарның 17 млн. мөрәҗәгатен эшкәрткән һәм социаль челтәрләрдә хакимият органнарының 123 мең паблигын булдыруда катнашкан.

Төбәкләр белән идарә итү үзәкләренең эшенә йомгак ясап, Русия Хөкүмәте рәисе урынбасары Дмитрий Чернышенко билгеләп үткәнчә, 2 ел эшләү дәверендә ЦУР эше хакимиятнең төрле дәрәҗәләрдәге кешеләр белән аралашуының нәтиҗәле вертикален төзегән. Мөрәҗәгатьләрне эшкәртү вакыты 2,5 тапкыр кимегән. Аналитиклар нигезендә 2 ел эчендә урыннарда төрле өлкәләрдә меңнән артык идарә итү карарлары кабул ителде - ТКХ, социаль тәэминат, төзекләндерү.