Күпфункцияле үзәкләр хезмәткәрләре бүләкләнде

Министрлар кабинеты җитәкчесе эшнең нәтиҗәлелеген һәм дәүләт һәм муниципаль хезмәтләр күрсәтүнең күпфункцияле үзәге хезмәткәрләренең югары профессиональлеген билгеләп үтте.

- Сезнең намуслы хезмәтегез нәтиҗәсендә күп кенә бюрократик процедуралар җайлы уза. Бүген сез кешеләргә оператив рәвештә ярдәм итәсез һәм республика горурлана торган универсаль белгечләр булып торасыз. Кешеләр сезгә төрле тормыш мәсьәләләрен хәл итәргә килә: күчемсез милекне теркәүдән, паспорт, машина йөртү таныклыгы алудан, туу турында таныклыктан алып, үз эшеңне ачу яки эшмәкуарларга дәүләт ярдәме чаралары буенча консультация алуга кадәр, - диде Андрей Назаров.

Премьер-министр ассызыклаганча, узып баручы ел КФҮ хезмәткәрләре өчен яңа үрләргә ирешү елы булды. Кыска вакыт эчендә Донецк, Луганск халык республикаларыннан һәм Украинадан мохтаҗ гражданнар, махсус хәрби операциядә катнашучы хәрби хезмәткәрләр гаиләләре белән эш оештырылды. Бизнес вәкилләренә консультация ярдәме күрсәтелде.

- Сез, үз төрегездә, кешеләрнең хакимиятнең барлык органнары белән «24/7» форматында үзара хезмәттәшлекнең бердәнбер мәйданчыгы булдыгыз. Монда эш бер минутка да туктамый. Әзер документларны мөмкин кадәр тиз һәм уңайлы алу өчен яңа хезмәтләр оештырылды. Виртуаль ярдәмчеләр һәм видео кабул итү бүлмәләре кертелде. Халыкара бизнес атналыгы кысаларында безнең КФҮ илдә беренче булып халыкара дәрәҗәгә чыкты. Сентябрьдә Башкортстанда Бөтенрусия форумы узды, анда республика КФҮ эше иң югары дәрәҗәдә бәяләнде, - дип билгеләде Андрей Назаров.

Премьер-министр катнашучыларны якынлашып килүче Яңа ел белән котлады һәм аеруча уңышларга ирешкән хезмәткәрләргә мактау грамоталары һәм Рәхмәт хатлары, шулай ук коллективка Рәхмәт хаты тапшырды. КФҮнең VI Бөтенрусия форумын оештыруда актив катнашкан хезмәткәрләре Башкортстан Республикасы Хөкүмәте Аппараты Рәхмәт хатларына лаек булды.