Радий Хәбиров Русия Герое Алмаз Сафин гаиләсенә Шәйморатов орденын тапшырды

23 гыйнварда Әлшәй районында махсус хәрби операциядә катнашкан Русия Герое, Раевка авылында туып-үскән старшина Алмаз Сафин белән хушлаштылар. Матәм чарасында Башкортстан Башлыгы Радий Хәбиров катнашты.

Алмаз Сафин махсус хәрби операция бурычларын 2022 елның 30 сентябреннән башкара. Быел гыйнварда старшина Алмаз Сафин җитәкчелегендәге парашют-десант взводы батальон составында Кызыл Лиман юнәлешендә дошманның удар участогында оборона позицияләрен тота. Алмаз Сафин оператив рәвештә позицияләрне инженерлык һәм фортификацион җиһазлар белән тәэмин итә.

Ул беренче булып дошман резервларының һөҗүм сызыгына чыгуын сизеп ала һәм, команда биреп, бу турыда рота командирына хәбәр итә. Шул рәвешчә, ул дошманның гамәлләрен һәм кинәт һөҗүм итәргә омтылуын кисәтә. Дошман, һөҗүмдә уңышка ирешә алмагач, минометлардан взвод позицияләрен утка тота башлый. Артиллерия налеты вакытында старшина каты яра ала, ләкин позицияләрен калдырмый. Дошман зур югалтулар кичерә һәм чигенергә мәҗбүр була. Сугыштан соң старшина Алмаз Сафин алган яраларыннан вафат була.

17 гыйнварда ил Президенты Владимир Путин хәрби бурычны үтәгәндә күрсәткән батырлыгы өчен үлгәннән соң Алмаз Сафинга "Русия Герое" исеме бирелү турындагы указга кул куйды.

Башкортстан Башлыгы матәм митингындагы чыгышында хәрби хезмәткәрнең туганнары һәм якыннарының кайгысын уртаклашты.

- Бүген Башкортстаннан меңләгән егет үз хәрби бурычларын үти һәм илебезне яклый. Алар батырлык һәм каһарманлык үрнәге күрсәтә. Каты сугышлар бара, кызганычка каршы, югалтулар бар, - диде Радий Хәбиров. - Башкортстанның иң яхшы улларын җирләү һәрвакыт авыр. Алмаз Сафин шулай булды һәм булып калачак та. Без, һичшиксез, данлы сугышчы һәм аның батырлыгы турында онытмаячакбыз.

Башкортстан Башлыгы указы белән старшина Алмаз Сафин, махсус хәрби операция вакытында батырлык һәм каһарманлык күрсәткәне өчен, вафатыннан соң генерал Шәйморатов ордены белән бүләкләнде. Радий Хәбиров бүләкне Алмаз Сафинның әнисе Гүзәл Әхмәт кызына тапшырды. Старшина хезмәтен узган Новосибирск өлкәсендә аның хатыны Дарья Игоревна һәм ике кызы яши. Төбәк җитәкчесе ассызыклаганча, республика Геройның гаиләсенә ярдәм итәчәк.

Радий Хәбиров Әлшәй районы хакимияте җитәкчелегенә Алмаз Сафинның истәлеген мәңгеләштерү буенча тәкъдимнәр кертергә кушты.

Фото: glavarb.ru

Автор:Фануз Хабибуллин

Читайте нас:

Теркәлү саны: 2019 елның 24 маендагы Эл сериясе № ФС 77-75682.

Басманың яшь категориясе 12+

___________________

Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)

Регистрационный номер: серия Эл № ФС 77-75682 от 24 мая 2019 г.

Возрастная категория издания 12+

Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, Башкортстан Республикасының “Республика Башкортостан” Нәшрият йорты дәүләт унитар предприятиесе.

____________________

УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».

Баш мөхәррир Фаил Камил улы Фәтхетдинов.

Кабул итү бүлмәсе телефоны: 8 (347) 272-13-61.

___________________

Главный редактор: Фатхтдинов Фаил Камилович.

Телефон приемной: (347) 272-13-61.

Телефон

8(347)272-13-61

Электрон почта

kyzyltan@mail.ru

Адресы

450079, Уфа шәһәре, Октябрьнең 50 еллыгы урамы, 13 нче йорт

Реклама хезмәте

8(347)272-62-27

Хезмәттәшлек

8(347)272-62-27