Уфада икенче «SMART-бакчачы» форумы үтте

“Бүген Уфада икенче «SMART-бакчачы» форумы уздырабыз. Бер ел эчендә бакчачыларыбызда дистә еллар дәвамында тупланган тирәнтен проблемаларны урыныннан кузгата алдык, дип әйтә алам.

Шактый эшләдек. 23 мең кешенең участогы булган 79 бакча ширкәтенә керү юллары ремонтланды. Ширкәтләрнең эчке инфраструктурасын үстерәбез - ширкәт эчендәге юлларны ремонтлауга, кадастр эшләренә, контейнер мәйданчыкларын төзекләндерүгә чыгымнарның бер өлешен компенсациялибез. Санкцияләнмәгән чүплекләр, чүп-чар чыгару, транспорт элемтәсе - һәм бу мәсьәләләр буенча алга китеш бар. Безнең челтәрләр белән бергә берничә ел дәвамында электр белән тәэмин итүне яхшыртырга мөмкинлек бирәчәк карар таптык.

Бакча участоклары Башкортстанда яшәүче ярты миллион кешедә бар. Күпләр өчен тормышның бу өлеше бик зур әһәмияткә ия, шуңа күрә без һичшиксез алга таба да бакчачылык ширкәтләренә ярдәм итәчәкбез. Муниципалитет башлыкларыннан, профильле министрлыклардан бу эштә тукталып калмавыгызны сорыйм. Республикада бакчачыларга ярдәм системалы булачак, ул күп еллар алга исәпләнгән. Быел безнең программаны дәвам итүгә бюджетта 250 млн. сум каралган иде - узган елга караганда ике тапкырга күбрәк.

Тәҗрибә тәртибендә өлкән буын кешеләре яшәгән ширкәтләрдә ФАПлар ачарга телибез. Әгәр алар кирәкле булса, бу тәҗрибәне бөтен республикага таратачакбыз.

Ә бакчачыларыбызны стимуллаштыру өчен, быел яңа республика бәйгесе - «Иң яхшы бакчачылык ширкәте» оештырабыз. 10 җиңүче 500 мең сум грант алачак”, - дип яза ул.

Фото: vk.com/radiyhabirov