"Яңа вакыт өчен көчле идеяләр" форумында катнашыгыз!

Бүген "Россия" медиаүзәгендә Башкортстанның "Яңа вакыт өчен көчле идеяләр " форумында катнашуга багышланган матбугат конференциясе үтте. Анда Хөкүмәт премьер-министры урынбасары, икътисади үсеш һәм инвестицияон сәясәт министры Рөстәм Моратов, "Яңа проектларны үстерү буенча стратегик башлангычлар агентлыгы" аппараты җитәкчесе, генеральный директор урынбасары Игорь Карачин, республиканың гаилә, хезмәт һәм халыкны социаль яклау министры Ленара Иванова катнаштылар.

Бу форум инициативалы кешеләр бергәлеген формалаштыру һәм ил үсешенә һәм 2030 елга кадәр дәүләт максатларына ирешүгә әһәмиятле өлеш кертәчәк көчле 100 идеяне берләштерү максатыннан оештырыла.

Форум икътисад, технологик һәм социаль үсеш, НКО, мәгариф, шәһәр мохите өлкәсендәге лидерларны һәм экспертларны, дәүләт вәкилләрен һәм мондый идеяләрне һәм проектларны бергәләп проектлау, җыю һәм киң фикер алышу өчен битараф булмаган гражданнарны берләштерә.

- "Яңа вакыт өчен көчле идеяләр" өченче форумына идеяләр җыю ачылды. Чараны Стратегик башлангычлар агентлыгы һәм "Росконгресс" фонды оештыра. Форумның төп максаты - Русия суверенитетын ныгытуга һәм дәүләт максатларына ирешүгә әһәмиятле өлеш кертәчәк башлангыч һәм проектларны гамәлгә ашыруны ачыклау һәм хуплау. Русия Федерациясе Президенты указы нигезендә форум ел саен уздырыла. Ул түбәндәге тематикалар буенча идеяләр туплаячак: дәүләт-социаль башлангыч, дәүләт-технологик башлангыч, дәүләт кадрлары башлангычы, дәүләт-экологик башлангыч, эшкуар, төбәкләрне үстерү, ачык сөйләшү, - диде Рөстәм Моратов.

- Бу инде өченче форум. Былтыр анда 310 мең кеше катнашты. Быел илнең яңа төбәкләре дә анда катнашыр, дип уйлыйбыз. Былтыр 19 мең яхшы фикер тупланган иде. Әлеге вакытта идеяләрне җыю дәвам итә. Аларның һәркайсы тикшереләчәк. Моның өчен төрле юнәлешләр буенча экспертлар эшләячәк. Федераль һәм төбәк каналларында иң кызыклы идеяләр турында сөйләячәкбез. Былтыр Башкортстаннан 249 идея кертелгән иде. Аларның 8е гамәлгә ашырыла. Шуның 4ен тормышка ашыру өчен республика да ярдәм итте, - диде Игорь Карачин.

Фото: businessbashkiria.ru