+21 °С
Болытлы
Көнүзәк
24 Май 2023, 10:50
Кирпеч заводы эшен дәвам итәчәк
Республика Башлыгының Авыргазы районына сәфәре дәвам итә. Толбазыда Башкортстан Башлыгы Радий Хәбиров “Керамик технологияләр” компаниясенең җитештерү мәйданчыгында булды. Ул «Башкорт кирпеч» холдингы составына керә һәм республиканың төзелеш тармагы өчен кирпеч әзерләү белән шөгыльләнә.
Кирпеч заводы эшен дәвам итәчәк
Предприятие директоры Дамир Сәйфуллин заводта муниципалитет ярдәме белән җитештерүне модернизацияләү буенча инвестпроект төгәлләнүе турында сөйләде. Мәйданчыкта балчык әзерләүнең яңа җиһазларын монтажлаганнар, пресс, кисү һәм кирпеч салу автоматын алыштырганнар. Моннан тыш, формалау һәм пешерү линиясен автоматлаштырганнар.
Проектка салынган акчаның гомум күләме 220 миллион сум тәшкил иткән. Предприятиедә җайга салу эшләре алып баралар, шуннан соң продукция җитештерә башлаячаклар.
Башкортстан Башлыгы җитештерү цехларын карады һәм предприятие җитәкчелеге белән аралашты. Дамир Сәйфуллин хәбәр иткәнчә, производство модернизацияләнгәннән соң, куәтләр якынча ике тапкыр арткан, елына 21 миллион кирпеч. Шуңа бәйле рәвештә предприятиедә яңа вакансияләр барлыкка килде. Җитәкчелек эшкә өстәмә белгечләр алырга планлаштыра.
Төбәк җитәкчесе район хакимиятенә бизнес белән нәтиҗәле хезмәттәшлеге өчен рәхмәт белдерде.
- Муниципалитет башлыгы заводны модернизацияләүне тормышка ашырган һәм предприятиене эшләтеп җибәргән инвесторны тапты, - дип билгеләде Радий Хәбиров. - Безнең сәнәгать уңышлы үссен өчен шулай эшләргә кирәк.
