Радий Хәбиров Уфаның социаль-икътисади үсеш мәсьәләләре буенча киңәшмә уздырды

6 июньдә Уфа шәһәре хакимиятендә Башкортстан Башлыгы Радий Хәбиров республика башкаласының социаль-икътисади үсеш мәсьәләләре буенча шәһәр идарә командасы белән эшлекле киңәшмә уздырды.

Фикер алышу алдыннан төбәк Башлыгы шәһәр хуҗалыгы өлкәсендә перспективалы эшләнмәләр белән танышты.

Әйтик, Уфа шәһәре хакимияте һәм "Ростелеком" компаниясе юл инфраструктурасын мониторинглау системасын тәкъдим итте. Мобиль комплексны җиңел машинада урнаштырганнар, ул видеокүзәтү камералары белән җиһазландырылган һәм юл өслегенең дефектларын терки. Ясалма интеллект системасы алынган мәгълүматны эшкәртә һәм аны тиешле категорияләр буенча бүлә. Автоматика чокырларның барлыгын билгели, юл билгеләренең, яктырту баганаларының, бордюрларның торышын бәяли.

Хакимият бинасында Радий Хәбиров Уфаның шәһәр төзелеше эшчәнлегенә һәм перспективалы проектларына багышланган күргәзмәне карады. Аерым алганда, эре төзүчеләр яңа торак комплекслары концепциясен тәкъдим итте. Республика Башлыгы бер үк вакытта социаль инфраструктура объектларын - балалар бакчаларын, мәктәпләрне һәм поликлиникаларны әлеге территорияләрдә проектлау кирәклеген ассызыклады.

Төзелеш өчен яңа мөмкинлекләр Уфаның көнбатыш өлешендә «Забелье» микрорайонында инженерлык челтәрләре төзелеп беткәч ачылачак. Бу территориядә перспективалы торак фонды 16 млн кв. м тәшкил итә.

Киңәшмәдә төбәк җитәкчесе Уфаның Башкортстанның башка муниципалитетларына үсеш трендларын бирүен ассызыклады.

- Шәһәрдә эшкә сәләтле, нәтиҗәле команда формалашкан дип әйтергә мөмкин. Уфада яшәүчеләрне борчыган күп кенә мәсьәләләр буенча сез карарлар табасыз. Бу эшегез өчен рәхмәт, - диде Радий Хәбиров. - Әлбәттә, проблемалы темалар күп кала, аларны хәл итәргә кирәк. Һәм республика бу юнәлештә ярдәм итәчәк.

Киңәшмәнең төп темасы - Уфаның 450 еллыгына әзерлек, ул 2024 елда билгеләп үтеләчәк. Радий Хәбиров хәл ителергә тиешле мәсьәләләр белән таныштырды.

- Вакыт тиз үтә. Уфа үсешенә дә без бик җитди чаралар юнәлтәбез, - диде Радий Хәбиров. - Шәһәр юбилеена "хроник чир"ләрне дәваларга, яңа объектлар төзергә, коммуналь инфраструктураны тәртипкә китерергә, заманча урам-юл челтәрен, тулаем уңайлы шәһәр мохитен булдырырга кирәк.

Фото: glavarb.ru

Автор:Фануз Хабибуллин

Читайте нас

Партнеры

Фотобанк журналистов РБ

Рубрика "Еда и напитки"

Рубрика "Животные"

Теркәлү саны: 2019 елның 24 маендагы Эл сериясе № ФС 77-75682.

Басманың яшь категориясе 12+

___________________

Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)

Регистрационный номер: серия Эл № ФС 77-75682 от 24 мая 2019 г.

Возрастная категория издания 12+

Об использовании персональных данных

Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, «Башкортстан Республикасы» нәшрият йорты акционерлык җәмгыяте.

____________________

УЧРЕДИТЕЛИ: Агентство по печати и средствам массовой информации Республики Башкортостан, Акционерное общество Издательский дом «Республика Башкортостан».

Правила применения рекомендательных технологий

Политика конфиденциальности

Баш мөхәррир Фаил Камил улы Фәтхетдинов.

Кабул итү бүлмәсе телефоны: 8 (347) 272-13-61.

___________________

Главный редактор: Фатхтдинов Фаил Камилович.

Телефон приемной: (347) 272-13-61.

Телефон

8(347)272-13-61

Электрон почта

kyzyltan@mail.ru

Адресы

450079, Уфа шәһәре, Октябрьнең 50 еллыгы урамы, 13 нче йорт

Реклама хезмәте

8(347)272-62-27

Хезмәттәшлек

8(347)272-62-27