+28 °С
Болытлы
Көнүзәк
20 август 2023, 05:00
“Сентябрь башына әзер булсын!”
Башкортстан Башлыгы алда торган ягып җылыту сезонына бәйле җитди йөкләмәләр бирде.
“Сентябрь башына әзер булсын!”
15 августта республика Башлыгы Радий Хәбиров чираттагы оператив киңәшмә үткәрде. Киңәшмә башында Радий Хәбиров Башкортстанда пилотсыз авиация системалары тармагын үстерү буенча дирекция төзү турында карар кабул ителүен хәбәр итте.
— Пилотсыз авиация системалары белән икътисадның һәм тулаем илнең киләчәге бәйле. Бу хәрби максатларны гына күздә тотмый, аларны тыныч тормышта да куллану турында сүз бара, — диде ул. — Бурыч — пилотсыз авиация белән бәйле бөтен нәрсәне бер дирекция канаты астында тупларга. Дирекциянең җитәкчесе вице-премьер Александр Шельдяев булачак.
— Пилотсыз авиация системалары белән икътисадның һәм тулаем илнең киләчәге бәйле. Бу хәрби максатларны гына күздә тотмый, аларны тыныч тормышта да куллану турында сүз бара, — диде ул. — Бурыч — пилотсыз авиация белән бәйле бөтен нәрсәне бер дирекция канаты астында тупларга. Дирекциянең җитәкчесе вице-премьер Александр Шельдяев булачак.
Республикада пилотсыз авиация системалары тармагын үстерү буенча дирекция турында Указ сентябрь башында имзаланачак.
Башкортстан Башлыгы оператив киңәшмәдә Халыкара балалар мәдәни форумында катнашучыларны да бүләкләде.
Балаларны һәм яшьләрне тәрбияләүгә керткән өлеше өчен “Телешко” балалар телевидениесе мәктәбенә нигез салучы һәм аның җитәкчесе Рөстәм Аднабаев Башкортстан Башлыгының Рәхмәт хаты белән бүләкләнде. Ул республика җитәкчелегенә рәхмәт сүзләрен белдереп, Уфага балалар журналистикасы башкаласы статусын беркетергә тәкъдим итте.
— Бездә “Тамыр” телеканалы бар. 11 ел балалар телевидениесе мәктәбе эшли. Мәктәп филиаллары Русиянең 10 шәһәрендә бар — шул исәптән, Донецкта, сентябрьдә Ханты-Мансийскта, Тамбовта, Санкт-Петербургта һәм Ереванда ачылачак. Уфаның медиатармак хезмәткәрләре балаларны бөтен ил буйлап укыта, — диде Рөстәм Аднабаев.
“Телешко” балалар телевидениесе тәрбияләнүчесе Арсений Гайнуллин “Идел буенда эшләргә кирәк булган 100 әйбер” беренче балалар трэвел-шоуын уңышлы гамәлгә ашырган өчен республика Башлыгының Рәхмәт хаты белән бүләкләнде. Форумда катнашу мөмкинлеге өчен рәхмәт белдереп, Арсений проект Интернетта гына түгел, телевидениедә дә үз урынын алсын иде дигән теләк белдерде.
“Башкорт аты” фестивале республиканың мәдәни, тарихи, фәнни тормышындагы иң чагу вакыйгаларның берсенә әверелергә тиеш. Башкортстан Башлыгы, чарага йомгак ясап, шулай диде. Радий Хәбиров фестивальне оештыручыларга рәхмәт белдерде.
— Бу искиткеч этно-мәдәни бәйрәм булды. Бәйрәм ел саен колачлырак була барырга тиеш дигән бурыч куям. Һәм ел саен без анда яңа инфраструктура объектлары барлыкка килүен күрергә тиеш. Ике ай эчендә киләсе елда чараның ничек узачагын билгеләргә һәм әзерләнә башларга кирәк, — дип ассызыклады республика Башлыгы.
Радий Хәбиров киңәшмәдә Хөкүмәтнең барлык әгъзаларына һәм төбәк муниципалитетлары җитәкчеләренә махсус хәрби операция зонасына һәр сәфәрне аның белән килештерергә кушты.
— Русиянең Оборона министрлыгы белән килешү нигезендә, СВО территориясенә һәр баруны шәхсән минем белән килештерүне сорыйм, — диде Радий Хәби-ров.
15 августта Дагстанның Махачкала шәһәре автозаправкасында көчле шартлауга бәйле матәм игълан ителде. Башкортстан Башлыгы Радий Хәбиров Хө-күмәтнең оператив киңәшмәсендә төбәкнең Сәламәтлек саклау министрлыгына Дагстандагы хезмәттәшләренә һәртөрле ярдәм күрсәтергә кушты.
— Анда һәлак булучылар һәм яралылар күп. Сез киңәшмәдән соң Дагстанның Сәламәтлек саклау министрлыгына чыгыгыз һәм хезмәттәшләрегездән аларга нинди ярдәм кирәклеге турында сорашыгыз. Бездә пешү һәм башка җәрәхәтләрне дәвалау буенча билгеле бер компетенцияләр бар, — дип мөрәҗәгать итте ведомство вәкилләренә Радий Хәбиров.
Киңәшмәдә Радий Хәбиров җылыту сезоны якынлашу уңаеннан да җитди йөкләмәләр бирде.
— Сентябрь уртасында ук җылы бирергә кирәк булган еллар да булды. Моңа әзер булырга кирәк. Сентябрь башына республиканың ягып җылыту сезонына әзерлеге турында доклад әзерләгез, — диде төбәк җитәкчесе.
Башкортстанда шәһәрара маршрутларга тагын 20 автобус сатып алачаклар.
— Без 20 шәһәрара автобус сатып алдык. Без автопаркны тулыландыру, шәһәрара маршрутлар өчен тагын 20 автобус сатып алу турында килештек, — диде Радий Хәбиров.
Автобуслар октябрь башында алыначак.
Республика Башлыгы шулай ук юллардагы аварияләргә бәйле хәлгә тукталды. Юл кагыйдәләрен бозучы водительләр белән эшне тагын да көчәйтү бурычын куйды төбәк җитәкчесе.
Гөлия Гәрәева.
