+26 °С
Ачык
Гәзиткә язылуVKOKTelegram
Барлык яңалыклар
Көнүзәк
23 сентябрь 2023, 10:55

Уфада аэрокосмос та үсеш ала

Уфа Фән һәм технологияләр университетында Русия аэрокосмос югары уку йортлары консорциумында катнашучыларның гомум җыелышы узды.

Уфада аэрокосмос та үсеш ала
Уфада аэрокосмос та үсеш ала


Уфага аэрокосмос профилендәге әйдәп баручы университетлар ректорлары һәм вәкилләре килде.

Уфа университеты ректоры Вадим Захаров һәм инновацион эшчәнлек буенча проректор Георгий Агеев кунакларга Уфа Фән һәм технологияләр университетының экосистемасын, аерым алганда, бердәм инновацион комплекс лабораторияләрен, иң яхшы белем бирү практикаларын, студентлар конструкторлык бюросын һәм «Киләчәк моторлары» алдынгы инженерлык мәктәбенең башка мәйданчыкларын, югары уку йортының фәнни мәктәпләренең инновацион эшләнмәләрен, студентлар командаларының үз уйлап табуларын тәкъдим иттеләр.

Уфа Фән һәм технологияләр университеты студентлары һәм профессор-укытучылар составы алдында «Аэрокосмос базарларының киләчәге» дигән ачык лекция белән Аэрокосмос югары уку йортлары консорциумы президенты, Мәскәү авиация институты ректоры Михаил Погосян чыгыш ясады. Авиация тармагында технологияләр һәм продуктлар үсешенең өстенлекле юнәлешләре арасында Михаил Погосян яңа аэродинамика һәм планер конструкциясен камилләштерүне, перспективалы борт системаларын, аз тавышлы һәм экологик көч җайланмаларын, шулай ук җитештерүнең яңа материалларын һәм технологияләрен билгеләп үтте.

Консорциумның гомум җыелышының көн тәртибенә аэромобильлек һәм пилотсыз очу аппаратлары өлкәсендә стратегик проектларны үстерү буенча вузара хезмәттәшлеккә, «Роскосмос» корпорациясе белән хезмәттәшлекнең перспектив юнәлешләренә, предприятиеләрне кадрлар белән тәэмин итү, кадрлар фаразлау һәм формалаштыру буенча бурычларны нәтиҗәле хәл итәргә тиешле санлы кадрлар платформасы сервисларына кагылышлы берничә мәсьәлә керде.

Киңәшмәдә аэрокосмос университетлары җитәкчеләре югары белем бирүнең яңа системасына күчү бурычлары һәм мөмкинлекләре турында фикер алыштылар.

Чарада катнашучылар өчен шулай ук Уфа моторлар төзү җитештерү берләшмәсенә, югары уку йортлары кампусына бару планлаштырылган.

Фото: pravitelstvorb.ru

 

Автор:Зөһрә Исламова
Читайте нас: