Радий Хәбиров Мәскәүдә Башкортстан көннәрен ачты

Төбәк җитәкчесе экспозициянең тематик мәйданчыкларын карады һәм күргәзмәгә килүчеләр өчен Башкортстанның киң презентациясенә старт бирде.

-Бүген безнең идарә командасы өчен олы мәртәбә - бөек Ватаныбыз йөрәгендә, Мәскәүдә без үзебезнең туган һәм яраткан Башкортстаныбызны тәкъдир итәбез. Һәм бүген, иң элек, республикабызның ничек үсеш алуын һәм бөек Ватаныбыз өчен аның нәрсә аңлатканын карау өчен, безнең белән бергә килгән кешеләргә рәхмәт белдерәсем килә, - диде Радий Хәбиров. - Башкортстан турында күп сөйләргә мөмкин. Күпләр аны 'Евразия йөрәге" дип атый, кемдер - 'Көньяк Урал энҗесе", кемдер "курай ягы' дип атый. Болар барысы да - матур романтик атамалар. Әмма Башкортстанның төп кыйммәте - аның кешеләре, гаять зур, күпмилләтле халкы, ул - 4 миллионнан артык кеше. Сез, мөгаен, Русия Федерациясе Президентының искиткеч сүзләрен хәтерлисездер, ул бервакыт "Башкортстанда су тамчысындагы кебек бөтен Русия чагыла, аның мәдәниятләре, диннәре, телләре, халыклар дуслыгы белән", дип билгеләде.

Республика Башлыгы билгеләвенчә, Башкортстан, шул исәптән бизнес, инвестицияләр өчен ачык төбәк булып тора.

- Без, республика буларак, идарә итүче команда буларак, горурланып әйтә алабыз: Башкортстан өч ел рәттән сәнәгать сәясәтен тормышка ашыру нәтиҗәлелеге рейтингында беренче урыннарны алып тора. Без, чыннан да, эшли һәм иҗат итә беләбез. Республика ике ел рәттән Милли рейтингта инвестицион климат торышының иң яхшы булган төбәкләр бишлегендә тора. Без моның белән генә тукталырга җыенмыйбыз, алга таба барачакбыз, гәрчә көндәшләребез бик көчле булса да.

Тулырак: https://glavarb.ru/rus/press_serv/novosti/172578.html