+21 °С
Болытлы
Көнүзәк
18 декабрь 2023, 17:20
Учалыда алтынны законлы юл белән алалармы?
Учалы районында җир асты байлыкларыннан файдалану буенча республика ведомствоара комиссиясенең күчмә утырышы узачак.
Учалыда алтынны законлы юл белән алалармы?
Бүген Башкортстан Башлыгы Радий Хәбиров үткәргән атналык оператив киңәшмәдә җир асты байлыкларыннан файдаланучыларның Учалы районы территориясендә алтын чыгару буенча законсыз эшчәнлегенә каршы тору чаралары турында фикер алыштылар.
Системалы эшне 2021 елда Радий Хәбиров башлангычы белән оештырылган профильле ведомствоара комиссия эшчәнлеге кысаларында оештырдылар.
Комиссия эшенә вице-премьер – Башкортстан Хөкүмәте Аппараты җитәкчесе Азамат Абдрахманов җитәкли. Ул хәбәр иткәнчә, узган атнада экспертлар күзәтчелек органнары вәкилләре белән бергә Учалы районында сигез ятманы карап чыктылар. Муниципалитет территориясендә шулай ук җир асты байлыкларыннан файдаланучылар эшчәнлеге мәсьәләләре буенча эшлекле киңәшмә уздырылды.
Ведомствоара комиссия чыгару компанияләре эшендә берничә бозуны ачыклаган. Алар җир һәм табигатьне саклау законнары таләпләрен санга сукмый. Аерым алганда, эзләү һәм бәяләү эшләрен килештерү срокларын бозалар, лицензия участоклары чикләреннән чыгалар, тиешле лицензиясез алтын чыгаралар. Моннан тыш, эшләр тәмамланганнан соң участокларны кирәкле рекультивацияләү үткәрелми.
Искәртеп узабыз, җир асты байлыкларыннан файдаланучыларның күбесе намуслы категориягә керә яки аз гына төзәтеп булмый торган җитешсезлекләргә ия.
Башкортстан Башлыгы билгеләп үткәнчә, ачыкланган җитди бозулар намуссыз җир асты байлыкларыннан файдаланучыларга карата эш кузгату өчен нигез булып тора. Радий Хәбиров тикшерү материаллары белән хатларны Башкортстан Прокуратурасына һәм Русия тикшерү комитетының республика тикшерү идарәсенә әзерләргә кушты.
Фото: glavarb.ru
