Мәскәүдә «Уфа көннәре»: киберспорт йолдызы белән очрашу

Dosia тарихка "Counter Strike" буенча дөнья чемпионатында җиңү яулаган беренче русияле буларак керде. Көн дәвамында осталык дәресендә 16 яшьтән өлкәнрәк булган һәркем үзен сынап карады һәм Уфа киберспортчысы белән уенда очрашу өчен уникаль мөмкинлек алды.

- Минем өчен бу күргәзмәдә катнашу һәм анда Уфаны тәкъдим итү - зур мәртәбә, - дип билгеләде Михаил Столяров. - Биредә ким дигәндә кичке тугызга кадәр булачакмын, теләүчеләрне көтәм. Кемдер көчлерәк булыр дип уйлыйм. Бу - спорт, мин җиңелүдән курыкмыйм.

Йолдызлар белән очрашудан тыш, стенд кунакларын бай программа көтә иде, шул исәптән башкаланың 450 еллыгына багышланган төрле викториналар һәм интерактивлар, шулай ук төрле осталык дәресләре.

- Быел без Башкортстан башкаласына нигез салынганга 450 ел тулуны билгеләп үтәбез. Киләсе берничә көн, 12 апрельгә кадәр, шул исәптән, Уфа бу күргәзмә кысаларында үзе турында сөйләячәк. Танылган спортчылар, актерлар, Олимпия чемпионнары һәм башка кызыклы кешеләр булачак, - дип сөйләде Уфа хакимияте башлыгы урынбасары Денис Ганиев. - Соңгы ике елда Уфа юбилей символы астында яши. Төп бәйрәм 31 августта булачак. Барысын да Уфага 450 еллыкка чакырабыз! Безнең сөйләр һәм күрсәтер нәрсәләребез күп!

Фото: gorodufa.ru