Башкортстан һәм Үзбәкстан актив хезмәттәшлек итәчәк

- Очрашу бик нәтиҗәле узды. Ассоциация белән үзара аңлашу турында меморандумга кул куйдылар. Ул Үзбәкстан Республикасы һәм Башкортстан Республикасы компанияләре һәм предприятиеләре арасында хезмәттәшлекне үстерүгә ярдәм итәчәк, - дип хәбәр итте Алексей Гусев.

Яклар икътисади мөнәсәбәтләрне алга таба үстерү өчен, бу процесска оешма һәм предприятиеләрне җәлеп итеп, төрле чаралар күреләчәге турында килеште, ике республиканың эшлекле берләшмәләре арасында инвестицияләр җәлеп итү һәм икътисади хезмәттәшлеккә ярдәм итү өчен уртак предприятиеләр төзү күдә тотыла.

Моннан тыш, Үзбәкстан экспортерлары ассоциациясе белән "Халыкара сәүдә Евразия үзәге" килешү имзаланды. Алар яңа гына яшелчә һәм җиләк-җимеш һәм башка азык-төлек продуктларын үзара тәэмин итүне оештырырга; бердәм товар үткәргеч чылбыр кысаларында Үзбәкстан Республикасы һәм Русия Федерациясе территориясендә яшелчә һәм җиләк-җимеш эшкәртү һәм сезонлы саклау, шулай ук импорт-экспорт товарлары белән тәэмин итү өчен "бердәм тәрәзә" һәм "яшел коридор" механизмнарын гамәлгә ашырган продукцияне таможня рәсмиләштерүе һәм сертификатлау өчен инфраструктура булдырырга килештеләр.

Шулай ук килешү Башкортстан Республикасында заманча чик буе азык-төлек базарларын булдыруны һәм үстерүне күздә тота.

Фото: pravitelstvorb.ru