"Минем Уфа" – үзенчәлекле бүләк

Ул шәһәрнең истәлекле урыннары турында биш китап, карта һәм буклетны үз эченә ала. Нәшрият директоры вазыйфасын башкаручы Эльмира Хәйретдинова билгеләп үткәнчә, һәр китап халык өчен дә, башкала кунаклары өчен дә кызыклы булачак.

«Музейлар» китабы Уфа музейлары тарихы, аларның экспонатлары, лимонарий, планетарий, Көньяк Урал ботаника бакчасы һәм шәһәрнең башка энҗеләре турында сөйли.

"Парклар, мәйданнар һәм шәһәр киңлекләре" басмасы ял һәм күңел ачу өчен уңайлы урыннар буйлап сәяхәткә чакыра.

«Театрлар һәм концерт заллары» китабы укучыларны шәһәрнең мәдәни тормышы, сәнгать дөньясындагы казанышлар белән таныштыра.

Моннан тыш, бүләк җыелмасында - "Монументаль ансамбльләр һәм скульптура композицияләре" һәм "Архитектура һәйкәлләре" басмалары. Ә картада китапларда телгә алынган барлык объектлар да билгеләнгән, шул исәптән аңа Уфа ярымутравының яр сызыгы буйлап уза торган "Уфа муенсасы" маршруты да кертелгән.

Мондый комплект үзенең яраткан шәһәрен яхшырак белергә теләүче һәркем өчен идеаль бүләк булачак.

Аны Уфаның Ленин урамы, 26 адресы буенча «КИТАП» кибетендә сатып алырга мөмкин.

Фото: bashinform.ru