+21 °С
Болытлы
Көнүзәк
6 сентябрь 2024, 10:23
“Мөһим вакыйгада һәркемгә катнашырга кирәк!”
Бүген – Башкортстанда сайлауларның беренче көне. Сайлау участокларына килүчеләр арасында күптән түгел балигъ булган яшьләр дә, өлкән кешеләр дә бар. Ә инде һәркемгә билгеле, хөрмәтле сәнгать әһелләренең бу чарага килүе сайлауларга аеруча бәйрәм төсе өстәп җибәрә.
“Мөһим вакыйгада һәркемгә катнашырга кирәк!”
Русиянең атказанган, Башкортстанның һәм Татарстанның халык артисткасы, “Нур” театры йолдызы Сәвия Сираева, өлкән яшьтә булуына карамастан, гражданлык бурычын үтәргә беренчеләрдән булып барган.
- Мин үз гомеремдә беркайчан да мондый мөһим вакыйгадан калганым юк, - ди ул. – Һәркемне дә сайлауларга барырга, тавыш бирергә, киләчәгебезне хәл итүдә үз өлешен кертергә чакырам!
Сәвия апа фикеренчә, безнең киләчәгебезнең нинди булуы үзебездән тора. Моның өчен һәркемгә гражданлык бурычларына җаваплы карарга, актив булырга кирәк.
Ә бу хөрмәтле, яраткан сәхнә йолдызыбызның активлыгы, тормышны яратуы сокланырлык, күрегез, нинди матур, ягымлы, кояш кебек балкып тора ул! Һәркемне үрнәк алырга чакырабыз!
