+20 °С
Болытлы
Көнүзәк
6 сентябрь 2024, 11:57
Сайлауларга - милли күлмәктән!
Нефтекама шәһәренең 12нче санлы мәктәбе фойесында мари җырлары агыла, сайлауга килүчеләр барсы да шунда юнәлде
Биредә шәһәрнең милли- мәдәни Үзәкләренең " Эрвел Сем" мари фольклор ансамбле чыгыш ясый.
-Мин шушы сайлау участогында сайлыйм, коллектив минем белән бергә килде, кешеләргә җырлар, яхшы кәеф бүләк итәргә теләдек, - ди ансамбль әгъзасы Соня Тимеркаева.- Без, өлкән буын кешеләре, сайлауларны бәйрәмгә тиңлибез, шуңа күрә матур милли киемнәр белән килдек. Ә инде сайлауларның никадәр мөһим чара икәнен безгә аңлатып торасы юк, шәһәрнең, республиканың, һәр гаиләнең киләчәге республикабызның алдагы көненә, аны кем җитәкләвенә бәйле. Без ышанычлы, булдыклы җитәкче өчен тавыш бирдек, - ди ул.
" Эрвел Сем" фольклор коллективы башкаларның да күңелен күтәреп, бәйрәм бүләк итеп, өч көн барачак сайлауларны башлап җибәрде.
Гөлнара Гыйлемханова.
Нефтекама.
