-7 °С
Кар
Барлык яңалыклар
Көнүзәк
8 октябрь , 21:45
Радий Хәбиров: "Баланс табарга тырышабыз"
Бүген Уфада Башкортстан Башлыгы Радий Хәбиров Шота Руставели урамындагы 37 һәм 37/1нче күпфатирлы йортларның ишегалды территориясендә булды.
Радий Хәбиров: "Баланс табарга тырышабыз"
Төбәк җитәкчесе «Башкортстан ихаталары» республика программасы кысаларында иҗтимагый киңлекне комплекслы төзекләндерү белән танышты.
Ишегалды территориясен яңартуга 16 миллион сумга якын акча юнәлтелгән. Бу акчаларга юллар, тротуарлар һәм җәяүлеләр юллары ремонтланган, балалар мәйданчыгы урнаштырылган. Моннан тыш, ишегалдында автомобиль парковкасын киңәйткәннәр, урам яктыртуларын модернизацияләгәннәр, видеокүзәтү камералары урнаштырганнар һәм яшелләндерү үткәргәннәр.
Башкортстан Башлыгы йортларда яшәүчеләр белән аралашты, алар Радий Хәбировка ишегалды территориясен яңартуы өчен рәхмәт белдерде. Шота Руставели урамындагы 37нче йортта яшәүчеләр шулай ук республика җитәкчесеннән түбәгә капиталь ремонт ясау мәсьәләсендә ярдәм итүен сорады. Төбәк Башлыгы төбәк операторына капиталь ремонтны 2025 елга планлаштырырга кушты.
- Әгәр өйдә түбәдән су ага икән, подъездда нинди матурлык яки фатирларда нинди уңайлылык турында сөйләргә мөмкин?! Без инде өченче ел түбәләрне ремонтлауга республика бюджетыннан акча бүлеп бирәбез. Быел сумма 450 миллион сумнан артык тәшкил итте, - диде Радий Хәбиров.
Аралашу вакытында халык шулай ук Непейцев дендропаркын төзекләндерү мәсьәләсен күтәрде. Бу - Шота Руставели, Адмирал Макаров һәм Уфа шоссесы урамнары арасында урнашкан 23,8 гектар мәйданлы табигый һәйкәл. Радий Хәбиров халыкка төзекләндерү буенча үз тәкъдимнәрен Уфа мэриясенә җибәрергә тәкъдим итте.
Искәртеп узабыз, быел республика башкаласында 10 ишегалды территориясе төзекләндерелде, аларда күпфатирлы 33 йорт урнашкан. Бу максатларга 237 миллион сум бүленгән. Республика Башлыгы «Башкортстан ихаталары» программасының актуальлеген ассызыклады.
- Халык бу проектны уңай бәяли, дәүләтнең аларга ярдәм итүен күрә. Иң мөһиме - төзекләндерү вакытында без һәрвакыт тыныч атмосфера мөһим булган өлкән яшьтәге кешеләр, физик активлык кирәк булган балалар һәм ишегалларына транспорт белән керү мөмкинлеген бәяләгән автомобиль йөртүчеләр арасында баланс табарга тырышабыз, - диде Радий Хәбиров. - Баланс таба алган җирдә бик яхшы пространстволар барлыкка килә.
Фото: glavarb.ru
Читайте нас:
© 2019-2024 “KizilTan” электрон басмасы элемтә, мәгълүмат технологияләре һәм киңкүләм коммуникацияләр өлкәсендә күзәтчелек буенча федераль хезмәт тарафыннан теркәлгән.
Теркәлү саны: 2019 елның 24 маендагы Эл сериясе № ФС 77-75682.
Басманың яшь категориясе 12+
___________________
Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)
Регистрационный номер: серия Эл № ФС 77-75682 от 24 мая 2019 г.
Возрастная категория издания 12+
Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, Башкортстан Республикасының “Республика Башкортостан” Нәшрият йорты дәүләт унитар предприятиесе.
____________________
УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».
Баш мөхәррир Фаил Камил улы Фәтхетдинов.
Кабул итү бүлмәсе телефоны: 8 (347) 272-13-61.
___________________
Главный редактор: Фатхтдинов Фаил Камилович.
Телефон приемной: (347) 272-13-61.
Телефон
8(347)272-13-61
Электрон почта
kyzyltan@mail.ru
Адресы
450079, Уфа шәһәре, Октябрьнең 50 еллыгы урамы, 13 нче йорт
Реклама хезмәте
8(347)272-62-27
Хезмәттәшлек
8(347)272-62-27