Рух көче дә, җиңүгә омтылыш та бар!

Русиядә сукырлар өчен футболга нигез салучы һәм «Сукыр футболчылар федерациясе» Бөтенрусия инвалидлар физкультура-спорт оешмасы президенты Николай Береговой турнирны ачу тантанасында болай диде: «Үземнән һәм барлык катнашучылар исеменнән Башкортстан Республикасына, бигрәк тә Гаилә, хезмәт һәм халыкны социаль яклау министрлыгына турнирны оештырган өчен рәхмәт белдерәсем килә. Шулай ук Уфа интернатында тәрбияләнүчеләрне сәламлим, алар өчен бу футбол турниры — беренчесе. Бүгенге көннән алар үз командаларын төзи башлаячак»

Русия Паралимпия комитеты башкарма комитеты әгъзасы һәм начар күрүчеләр өчен «Луч» спорт-тернәкләндерү үзәге директоры Геннадий Дементьев: «Әйдәгез, республикабызга һәм безгә бу мөмкинлекне биргән кешеләргә өч тапкыр «физкульт-ура» дип рәхмәт әйтик!»

Турнирда Мәскәү, Мәскәү һәм Түбән Новгород өлкәләреннән, Татарстан Республикасыннан өлкәннәр командалары катнашты. Кырым Республикасы, Татарстан Республикасы, Түбән Новгород һәм Мәскәү өлкәләреннән командалар шулай ук балалар ярышларында катнашты. Безнең республика уенчылары команда формалаштыру процессында, ләкин инде кырга чыктылар һәм Түбән Новгород һәм Татарстан командаларына пенальтидан гол керттеләр.

Мәскәү өлкәсенең «Звезда» командасыннан Андрей Демин: «Футбол — ул физик сәламәтлек һәм социализация. Команда һәм башка уенчылар белән аралашу. Без бит ил буйлап күп сәяхәт итәбез». Ул 9 ел футбол белән шөгыльләнә, Русия Спорт университетын тәмамлаган һәм спорт карьерасын дәвам итәргә планлаштыра.

Түбән Новгородтан Артем Захаров: "Уен күнекмәләре сукыр кешеләргә ярдәм итә. Алар яхшырак ишетә һәм киртәләрдән азрак курка башлый". Элек ул голбол белән шөгыльләнгән, ә мини-футболга өч ел элек килгән.

Футбол җанатарлары Башкортстан уенчыларына уңышлар теләде.