Радий Хәбиров халыкны борчыган сорауларга җавап бирде

- Уфаның Октябрь революциясе урамын реконструкцияләү - мөһим проект, кайбер объектив сәбәпләр буенча аны файдалануга тапшыруны бераз кичектерергә туры килде. Эшнең шактый өлешен башкардык. Машина юлының бер өлеше астында инженерлык челтәрләре алыштырылды, - диде Радий Хәбиров Октябрь революциясе урамын төзекләндерү турында сорауга җавап биреп. - Принципиаль карар кабул иттек - башта йортларга милекчеләр тырышлыгы белән яңа тормыш бирергә. Аларның күбесе - мәдәни мирас объектлары. Бу - катлаулы, озак вакытлы проект. Барысын да ике ел эчендә тәмамларга вәгъдә итмибез, әмма якын киләчәктә, якынча дүрт ел дәвамында, Агыйдел елгасы ярына кадәр урам тәртипкә китереләчәк.

Радий Хәбиров “Туры линия”дә шәһәрнең үзәк өлешендә Ленин исемендәге паркны яңарту проектын игълан итте.

- Киләсе елда без Ленин исемендәге паркны төзекләндерүгә керешәчәкбез. Финанслау чыганаклары табылган инде, чыгымнарның шактый өлешен Саклык банкы үз өстенә алачак, - диде Радий Хәбиров. - Ел ярым эчендә бу проектны тормышка ашырабыз, территорияне төзекләндерәчәкбез, зур балалар мәйданчыгы урнаштырылачак.

Башкортстан Фәннәр академиясе Стратегик тикшеренүләр институтының социомәдәни анализ үзәге өлкән фәнни хезмәткәре Александр Кобыскан Радий Хәбиров белән үткән "туры линия" турында үз фикерләрен белдерде.

- “Туры линия”дә Радий Хәбиров соңгы вакытта җәмгыятьне борчыган сорауларның күп өлешенә кагылды. Бу - махсус хәрби операциядә катнашучыларга ярдәм күрсәтү һәм аларга өйгә кайткач лаеклы тормыш шартлары тәэмин итү, әледән-әле шикаятьләр яңгыраган җәмәгать транспорты мәсьәләләре, Уфаның Рабкоров, Октябрь революциясе һәм Пугачев урамнарын реконструкцияләүне төгәлләү мәсьәләләре, алар белән республика башкаласының көньяк һәм көньяк-көнчыгыш өлешендә "бөке"ләрне хәл итү мәсьәләләре бәйле, Салават Юлаев һәйкәлен төзекләндерү, “Әр-Рәхим” мәчетен төзеп бетерү һәм Мидхәт Шакировка һәйкәл кую, - диде Александр Кобыскан. - Башкортстан Башлыгы барлык сорауларга да тулы һәм аңлаешлы җавап бирде. Сәяси-икътисади имеш-мимешләргә шәрехләрнең мөһимлеген аерым билгеләп үтәсе килә. Бу башлангыч үзе дә, яңгыраган җаваплар да урынлы иде, чөнки аларның тематикасында игътибарсызлык яки аңлашылмау киләчәктә мәгълүмат даирәсендә алга таба спекуляцияләргә алып барырга мөмкин иде. Радий Хәбиров үз эшчәнлеген объектив бәяли. Чөнки ул эшләгән нәрсәләр - бу елларда тормышка ашырылган проектларның зур исемлеге. Алар барысы да озак елларга исәпләнгән, шуңа күрә аларны дәвам итәргә һәм тәмамларга кирәк. Шуңа күрә төбәк җитәкчесе үзе идарә иткән чордагы эшенә бәя бирә. Алда әле күп кенә дәүләт программаларын гамәлгә ашырасы бар. Шулай итеп, үткән “Туры линия” Башкортстан власте һәм җәмгыяте диалогында мөһим һәм актуаль инструмент булды.

Фото: bashinform.ru