Кичә, 16 гыйнварда, Миякә районында үлемгә китерүче юл-транспорт һәлакәте булган. Бу хакта Башкортстан буенча ЮХХДИның матбугат хезмәтендә сөйләделәр.
Якынча мәгълүматларга караганда, кичке сәгать уннар тирәсендә Әнәс авылында "ВАЗ-2107" автомобиленең 21 яшьлек водителе җәяүлене бәрдергән. Юл-транспорт һәлакәте нәтиҗәсендә 50 яшьлек ир тормыш белән ярашмый торган җәрәхәтләр алган һәм вакыйга урынында ук үлә.
Хәзерге вакытта булган хәлнең барлык сәбәпләре ачыклана.
Фото: ЮХХДИ