+2 °С
Болытлы
Барлык яңалыклар
Көнүзәк
29 гыйнвар 2025, 20:15
Башкортстан делегациясе ЮНЕСКО эшләре буенча комиссия эшендә катнашты
Башкортстан Республикасы Премьер-министрының беренче урынбасары Урал Килсенбаев, Башкортстанның ЮНЕСКО эшләре буенча комитеты башкарма директоры Ренат Локманов, «Янгантау» ЮНЕСКОның глобаль геопаркы директоры Айрат Галиев, «Яңгантау» геокурорты генеральный директоры һәм геопарк төзүгә нигез салучы Альфред Акбашев катнашыгында республика делегациясе Русия Федерациясенең ЮНЕСКО эшләре буенча комиссиясе җыелышында катнашты. Эшлекле очрашу Мәскәү шәһәрендә, Русия чит ил эшләре министры Сергей Лавров рәислегендә узды. Чарада шулай ук федераль һәм төбәк хакимият органнары вәкилләре, мәдәният, фән һәм мәгариф эшлеклеләре, журналистлар, Русиянең традицион дини конфессияләре вәкилләре катнашты.
Башкортстан делегациясе ЮНЕСКО эшләре буенча комиссия эшендә катнашты
Сергей Лавров Русия Федерациясе субъектларын ЮНЕСКО мәйданчыгында үзара бәйләнешкә кертү тәҗрибәсен билгеләп үтте:
- Бу - файдалы тәҗрибә. Товарны күрсәтергә кирәк. Русия төбәкләре - аның байлыгы һәм күптөрлелеге. Бу контекстта Алтай, Башкортстан, Санкт-Петербург, Татарстан, Ханты-Манси автономияле округы, Якутия (Саха) һәм башка бик күп эшләр башкара. 2024 елның апрелендә "Яңгантау" ЮНЕСКО Глобаль геопаркы базасында Башкортстанда алдынгы чит ил экспертларын җәлеп итеп халыкара конференция узды, - дип билгеләде ул.
- Халыкара дәрәҗәдә алга киткән һәр объект башкорт халкының бай мәдәниятен һәм көнкүрешен үзләштерүдә билгеле бер адым булып тора. ЮНЕСКО линиясе буенча багланышлар халыкның бетмәс-төкәнмәс куәтен саклап калган кыйммәтләргә сакчыл якын килү ысулы булып тора. Бу җәһәттән галимнәр тормыш өчен мөһим мәгънәви идеяләр алып баручы традицияләрне чагылдыра торган кыйммәтләрне саклау һәм алга этәрү өчен мирасны файдалануның объектив механизмнарын ачыклыйлар. Башкортстан уникаль потенциалга ия һәм үз тәҗрибәсе белән уртаклашырга әзер, - дип белдерде Урал Килсенбаев.
Фото: рravitelstvorb.ru
Новости партнеров