Башкортстан-Беларусь хезмәттәшлеге кысаларындагы яңа проектлар нинди?

- Әгәр соңгы берничә елда Башкортстан-Белоруссия мөнәсәбәтләрен карасак, без потенциалны өйрәнгән, багланышлар урнаштырган, эшне оештыру өчен кирәкле институтлар һәм структуралар формалаштырган башлангыч этапны уздык, дип әйтергә була. Һәм хәзер без тирәнтенрәк кооперация һәм бик интенсив үзара гамәлләр траекториясенә чыктык, - диде төбәк җитәкчесе. - Очрашуларда хезмәттәшлекне үстерү буенча безнең "юл картасы"ның төп нигезләмәләре турында фикер алыштык. Куелган бурычларны үтәргә тиешбез. Мәсәлән, без җиңел сәнәгатьнең белорус товарлары өчен үзебезнең базарны ачу юлыннан барабыз. Шуңа күрә килештек, бу эшне тагын да интенсиврак алып барачакбыз.

Туризм өлкәсе турында да фикер алыштык. "Көмеш яшьтәге" кешеләргә бирегә «Башкортстанда-Белорусиядә озын гомерлелек» программасы кысаларында килергә мөмкинлек ачылды. Һәм хәзер Белоруссия Хөкүмәтенә СВО ветераннары өчен дә шундый ук программа оештырырга тәкъдим иттек. Туристлар килгәндә, икътисад та эшли – яшәү, туклану, сувенирлар. Шуңа күрә белорус ягы бу өлештә үз мөмкинлекләрен өйрәнәчәк.

Моннан тыш, спорт өлкәсендәге проектлар турында да фикер алыштык. Яңа Көрәш сарае мәйданчыгында көрәшнең кайбер төрләре буенча яшүсмерләр арасында зур турнир оештырырга килештек. Гомумән алганда, һәр сорауны логик ахырына җиткерергә тырышабыз, - дип өстәде Радий Хәбиров.

Фото: glavarb.ru