-3 °С
Болытлы
Барлык яңалыклар
10
Көнүзәк
20 март , 09:50
Студент отрядлары эшләргә тиеш!
Кичә Республика белән идарә үзәгендә төбәк җитәкчесе Радий Хәбиров Башкортстан Башлыгы каршындагы Студентлар отрядларын үстерү мәсьәләләре буенча ведомствоара координация советының беренче утырышын үткәрде.
Студент отрядлары эшләргә тиеш!
Көн тәртибендә - хезмәт проектларын оештыру һәм аларга ярдәм итүнең өстәмә чараларын булдыру.
Радий Хәбиров чыгышында Башкортстанда студентлар отрядларын үстерүгә аерым игътибар бирелүен билгеләп үтте. Профильле министрлыклар һәм ведомстволар алдында торучы төп бурычларның берсе – проектта катнашучылар санын арттыру, аларның хезмәте һәм ялы өчен уңайлы шартлар булдыру, шулай ук студентларны һөнәри әзерләүне тәэмин итү. Төбәк җитәкчесе ассызыклаганча, студотрядлар - акча эшләү мөмкинлеге дә, команда рухы һәм шәхес үсеше өчен уникаль яшьләр мохите дә.
Республиканың яшьләр сәясәте министры Вито Сабиров, Башкортстан Башлыгы кушуы буенча төбәктә яңа эш урыннары булдыру, хезмәт шартларын яхшырту һәм студентларны кызыксындыру өстендә эшлибез, дип аңлатты.
«Русия Студентлар отрядлары» Гомумрусия иҗтимагый оешмасының Башкортстан төбәк бүлеге идарәсе рәисе Ирина Сухарева республика җитәкчелегенә хәрәкәткә ярдәм итүләре өчен рәхмәт белдерде һәм 10 ел эчендә 27 меңнән артык студентны эшкә урнаштырулары турында сөйләде. Алар һөнәри күнекмәләр ала һәм икътисадның реаль секторы өчен кадрлар резервын формалаштыра. Әйтик, 2022-24 елларда Башкортстан студотрядлары егет-кызлары 1,2 миллиард сумнан артык акча эшләгән.
Башкортстан Башлыгы киңкүләм мәгълүмати-аңлату кампаниясе уздыру кирәклеген билгеләп үтте.
- Күпләр әле дә студент отрядларының исән икәнен белми. Без республикада хәзер бу хәрәкәткә яхшы этәргеч бирәбез. Яшьләребезгә акча эшләргә мөмкинлек бирергә кирәк. Бу - яхшы тарих. Моның өчен студентлар белән сөйләшергә, предприятие җитәкчеләренә моның мөһим дәүләт бурычы булуын аңлатырга кирәк. Монда барысы да төгәл, гади һәм аңлаешлы булырга тиеш, - дип билгеләде Радий Хәбиров. - Ректорларга мөрәҗәгать итәм: әгәр студотрядлар буенча сезнең шәхси кызыксынуыгыз булмаса, бу проект алга китмәячәк. Шуңа күрә җентекле "юл картасын" төзүегезне үтенәм.
Чара азагында Радий Хәбиров студент отрядларының аеруча актив катнашучыларына «Башкортстан Республикасы волонтеры» дигән мактау билгеләре тапшырды.
Фото: https://glavarb.ru
Радий Хәбиров чыгышында Башкортстанда студентлар отрядларын үстерүгә аерым игътибар бирелүен билгеләп үтте. Профильле министрлыклар һәм ведомстволар алдында торучы төп бурычларның берсе – проектта катнашучылар санын арттыру, аларның хезмәте һәм ялы өчен уңайлы шартлар булдыру, шулай ук студентларны һөнәри әзерләүне тәэмин итү. Төбәк җитәкчесе ассызыклаганча, студотрядлар - акча эшләү мөмкинлеге дә, команда рухы һәм шәхес үсеше өчен уникаль яшьләр мохите дә.
Республиканың яшьләр сәясәте министры Вито Сабиров, Башкортстан Башлыгы кушуы буенча төбәктә яңа эш урыннары булдыру, хезмәт шартларын яхшырту һәм студентларны кызыксындыру өстендә эшлибез, дип аңлатты.
«Русия Студентлар отрядлары» Гомумрусия иҗтимагый оешмасының Башкортстан төбәк бүлеге идарәсе рәисе Ирина Сухарева республика җитәкчелегенә хәрәкәткә ярдәм итүләре өчен рәхмәт белдерде һәм 10 ел эчендә 27 меңнән артык студентны эшкә урнаштырулары турында сөйләде. Алар һөнәри күнекмәләр ала һәм икътисадның реаль секторы өчен кадрлар резервын формалаштыра. Әйтик, 2022-24 елларда Башкортстан студотрядлары егет-кызлары 1,2 миллиард сумнан артык акча эшләгән.
Башкортстан Башлыгы киңкүләм мәгълүмати-аңлату кампаниясе уздыру кирәклеген билгеләп үтте.
- Күпләр әле дә студент отрядларының исән икәнен белми. Без республикада хәзер бу хәрәкәткә яхшы этәргеч бирәбез. Яшьләребезгә акча эшләргә мөмкинлек бирергә кирәк. Бу - яхшы тарих. Моның өчен студентлар белән сөйләшергә, предприятие җитәкчеләренә моның мөһим дәүләт бурычы булуын аңлатырга кирәк. Монда барысы да төгәл, гади һәм аңлаешлы булырга тиеш, - дип билгеләде Радий Хәбиров. - Ректорларга мөрәҗәгать итәм: әгәр студотрядлар буенча сезнең шәхси кызыксынуыгыз булмаса, бу проект алга китмәячәк. Шуңа күрә җентекле "юл картасын" төзүегезне үтенәм.
Чара азагында Радий Хәбиров студент отрядларының аеруча актив катнашучыларына «Башкортстан Республикасы волонтеры» дигән мактау билгеләре тапшырды.
Фото: https://glavarb.ru
Читайте нас: